Үндэсний Их баяр наадмын тасалбар энэ жил 2500-12000 төгрөгийн үнэтэй зарагдахаар болсон. Тодруулбал, долдугаар сарын 11-ний өдрийн нээлтийн тасалбар 8000-12000 төгрөг бол долдугаар сарын 12-ны бөхийн барилдааны тасалбар үдээс өмнө 2500-3000, үдээс хойших 6000-9000 төгрөгийн үнэтэй зарагдана. Харин шөвгийн дөрвөн бөхийн барилдааны тасалбарыг 6000-9000 төгрөгөөр борлуулагдахаар болсон билээ.
Уг тасалбарыг өнгөрсөн бямба гаригт худалдаанд гаргах байсан ч өнөөдрийг хүртэл зарагдаагүй байна. Иймээс өнгөрсөн амралтын өдрүүдэд СТӨ-ний билетийн касс наадмын тасалбар авах хүмүүсийн дарааллаар тасарсангүй. Өнөөдөр ч гэсэн наадмын тасалбар авах гэсэн иргэд урт дараалал үүсгэсэн байв.
Наадмын тасалбар авахаар дугаарлан зогсч буй зарим иргэдийн сэтгэгдэлийг нь сонслоо.
.
Улаанбаатар хотын иргэн Б.Очир“Би наадмын нээлтийн тасалбар авахын тулд гурван өдөр, хоёр шөнө энд дугаарлаж байна. Уг нь өнгөрсөн бямба гаригт наадмын тасалбар борлуулна гэж байсан. Тэгээд өглөө 05.00 цагт ирэхэд дүүрэн хүн байсан.
Тэгтэл автомашинд олгодог тусгай зөвшөөрлийг шинэчлэн батлана гээд тасалбар зарах өдрөө дахин хойшлуулсан. Ингэж бүтэн гурван өдрийн ажил алдуулах хэрэг байна уу” гэв.
.
Дархан-Уул аймгийн иргэн н.Лхагважав“Энэ жил Улсынхаа баяр наадмыг Төв цэнгэлдэх хүрээлэнд үзэхийн тулд шөнө 01.00 цагт ирж, дугаарлан зогсч байна.
Миний урд одоогийн байдлаар 40-өөд хүн байна. Нэгэнт тасалбар авахаар зорьсон юм чинь ямар ч байсан авна даа” гэлээ.
.
Герман Улсын иргэн Марвель Сусана“Эртний түүх өв уламжлалтай оронд ирсэндээ үнэхээр их баяртай байна. Надад монголчуудын үндэсний дээл хувцас, өв уламжлал их таалагддаг.
Би Азийн дөрвөн оронд аялах төлөвлөгөөтэй байгаа. Тэдний нэг нь Монгол улс. 1000 бие биелгээчин бүжиглэх нь миний сонирхолыг их татаж байна” хэмээв.
.
.
.
Б.Одон
Гэрэл зургийг Б.Мөнх-Эрдэнэ