Филиппиний экс ерөнхийлөгч Глориа Арроёг өчигдөр тус улсын нийслэл Манилад баривчлан саатуулсан байна.
Түүнийг Филиппиний шүүхээс 2004, 2007 оны парламентын болон ерөнхийлөгчийн сонгуулийг будлиантуулж өөрийн талд ялалт гаргах нөхцөлийг луйврын аргаар гаргасан хэмээн буруутгаж байсан юм.
Глориа Арроё Манила хотын нисэх буудал дээр хил гарах гэж байхад нь тус улсын тусгай албаныхан саатуулан баривчилсан юм.
Мөн түүнийг эрх мэдлээ хэтрүүлэн ашиглаж тус улсын төрийн тогтолцоог авилга, хээл хахуульд автуулсан хэмээн филиппинчүүд буруутгадаг юм.
Глориа Арроё улсынхаа хилийг давах гэж байсан шалтгаанаа эрүүл мэндийн байдлаас гадаадад эмчилгээ хийлгэх шаардлагатай болсон хэмээн тайлбарласан аж.