Замын-Үүдийн гаалиар өчигдөр 6.8 кг орчим цэвэр алт гаргахыг завджээ. Тус боомтын гаалийн ажилтнууд БНХАУ руу зорчиж байсан галт тэргэнд шалгалт хийх явцдаа алтыг илэрүүлсэн байна. Энэ хэмжээний алт нь зах зээлийн ханшаар бодвол 558,000,000 төгрөг /таван зуун тавин найман сая/ болж байгаа юм.
Замын-Үүд-Эрээний чиглэлийн 3510 дугаар ачааны галт тэрэгний доод хөндийд нууж улсын хилээр нэвтрэхийг оролдсон уг үйлдлийг Замын-Үүдийн Хилийн 0108 дугаар ангийн шалгалт хамгаалалтын заставын ахлах байлдагч О.Баясгалан илрүүлжээ. Энэ хэргийг Замын-Үүд дэх цагдаагийн хэлтэст шалгаж байгаа юм байна.
Д.Цэцэг