Хил хамгаалах байгууллагын 80 жилийн ой энэ өдрүүдэд тохиож байна. Эх орныхоо торгон хил, уулсын хязгаар, аглаг тал, алгын чинээ чулууг хүртэл сахиж яваа энэ байгууллагын үүх түүх дундрашгүй арвин. Түүхт 80 жилийн ойн хүрээнд олон арга хэмжээ зохион байгуулагдаж  байна.

Тухайлбал, Монголын уран зургийн галерейд “Хил хилчид- Эх орон” сэдэвт уран зургийн үзэсгэлэн энэ сарын 19-нд нээлтээ хийсэн. Тус үзэсгэлэнд УГЗ Г.Дунбүрээ, Д.Мөнх, Э.Сүхээ, МУСТА Ц.Монгол нарын 11 зураачийн хил, хилчний сэдэвт уран зургууд олны хүртээл болж байгаа бол өчигдөр хилчдийн хөшөөнд цэцэг өргөсөн. Мөн 80 жилийн ойн баярын хүндэтгэлийн концерт Соёлын төв өргөөнд болсон билээ.

Харин өнөөдөр “Хилчин” хамтлагийн тоглолт, цэргийн ёслолын жагсаал боллоо. Мөн гардан тулаан, 100 морьт цэрэг, албаны амьтдын үзүүлэх тоглолт болсон юм. Түүнчлэн яг одоо Хил хамгаалах байгууллага 80 жилийн ойд зориулсан улс, аймгийн алдар цолтой хүчит бөхийн барилдаан болж байна.

Д.Цэцэг

Гэрэл зургийг Б.Мөнх-Эрдэнэ