Монголын сайхан хүүхнүүд болох М.Сэлэнгэ, Д.Ариунцэцэг, Б.Шүрэнчимэг, Г.Гантуяа нар саяхан “мини” уулзалт зохион байгуулж, зураг даруулжээ. Өдгөө тэд бүгд айл гэрийн эзэгтэй болж өөр өөрийнхөө амьдралаар нам гүмхэн амьдарч явна.
.
Б.Шүрэнчимэг гурван хүүхдийн ээж болжээМонголын сайхан хүүхнүүдийн бас нэг дүр төрх бол Б.Шүрэнчимэг. Тэрбээр “Монголын сайхан бүсгүй 2002” тэмцээний дэд мисс болсныхоо дараа нэртэй хамтлаг, дуучдын дууны клипэнд урилгаар тоглоод чухам завгүй явсан. Загвар өмсөгч маань тухайн үедээ миссүүд дундаа бүрэн нүцгэн заргаа авахуулж сенсааци тарьж байсан. Шүрээгийн хувьд арав орчим жил Герман улсад амьдарч байгаад хоёр жилийн өмнө эх орондоо ирж өдгөө нөхөр, гурван хүүхдийн хамт амьдарч байгаа аж.
.
Г.Гантуяа Сингапурт суралцдаг2007 онд Монголын сайхан бүсгүй шалгаруулах тэмцээнд “Алтан эрдэнэ” авсан Г.Гантуяа миссийн тухай мэдээлэл ховор байдаг. Тэрбээр миссийн титэм зүүгээд жил ч болоогүй байхдаа хувийн менежертэй болж, өөрийгөө үнэлж буйгаа мэдрүүлээд авсан нэгэн. Мөн одоогийн УИХ-д суугаа нэг бүхий хоёр гишүүнийг зодолдуулсан хэрэгт орооцолдож явсан гэдэг.
Тэрбээр өдгөө Сингапурт суралцаж байгаа бөгөөд зуны амралтаараа эх орондоо саатаад байгаа ажээ.
.
“Том” М.Сэлэнгэ эх орондоо иржээЗагварын ертөнцөд “Томоо” хэмээн дуудуулдаг “Гоёл-2006” наадмын “Шилдэг загвар өмсөгч” М.Сэлэнгэ “Хатан-Эрдэнэ” холбоонд ажиллаж миссийн тэмцээн хүртэл зохион байгуулж явсан. Тэгвэл хувийн амьдрал нь бүтэлгүйтсэнээс хойш хүүгээ дагуулан Герман улсыг зорьсон тэрбээр багагүй хугацаагаар тэндээ амьдарч байсан. Харин саяхнаас эх орондоо суурин байхыг илүүд үзэх болсон М.Сэлэнгэ өөрөөсөө нэлээд хэдэн насаар ахимаг Герман эртэй хуримласан билээ. Арван жилийн ширээнээс анхны амьдралаа зохиосон хань нь бор дарсанд хэт автах болсноор модель бүсгүй нэг л өдөр хүүгээ тэврэн, цүнхтэй хувцсаа аваад гэрээсээ явсан гэдэг.
Өдгөө томоохон компанид ажиллаж байгаа модель бүсгүй загварын ертөнцөд “том” гэгддэг бөгөөд өөрийн дүү болох М.Хэрлэнгийн хамт “Гоёл-2006” наадмын тайзнаа “Шилдэг эмэгтэй загвар өмсөгч”, “Шилдэг эрэгтэй загвар өмсөгч” өргөмжлөлийг гардаж байсан билээ. Үүнээс өмнө “Монголын сайхан бүсгүй-2001” тэмцээнээс “Тана эрдэнэ” өргөмжлөл хүртэж, “Хамгийн гоолиг биетэй мисс”-ээр тодорсон түүхтэй аж.
.
Д.Ариунцэцэг хамтлагт дуулдаг байжээХарин “ард түмний мисс” тодотголтой мисс Д.Ариунцэцэг "Монгол газар"-ын босс Ц.Мянганбаяртай гэр бүл болж, М.Хайрмаа хэмээх хөөрхөн охинтой болсон. Хэдийгээр тэдний амьдрал бүтэлгүйтсэн ч мисс бүсгүй маань Сингапур, Улаанбаатар хоёрын дунд бизнес хийдэг болжээ.
Сонирхуулахад, мисс Д.Ариунцэцэг “Охидын вант улс” гэх хамтлагт бүжиглэдэг байсан гэнэ. Энэ хамтлаг нь Эрдэнэтийн залуусыг хэсэгтээ байлдан дагуулж байжээ. “Охидын вант улс”-ын гүнж нь мисс Д.Ариунцэцэг байсан бололтой. Тэд эдүгээ тарж, өөрсдийн хувийн амьдралаа цогцлоосон хэдий ч хааяа уулзаж хамтлагт байсан үеэ эргэн дурсдаг гэнэ лээ.
.
Б.Одон