Хуурамч бичиг баримт үйлдсэн бүлэг этгээдүүдийг цагдаагийн албан хаагчид саатуулан шалгаж байна.

Тодруулбал, Чингэлтэй дүүргийн дөрөвдүгээр хорооны нутаг дэвсгэрт байрлах “Астра” орчуулгын төвд иргэн Т, Б нар нь автомашины тээврийн хэрэгслийн гэрчилгээг хуурамчаар үйлдэж байсныг тус дүүргийн цагдаагийн алба хаагчид илрүүлжээ.

Гэмт этгээдүүд автомашины тээврийн хэрэгслийн гэрчилгээнээс гадна өөр бичиг баримт ч хуурамчаар үйлдсэн байж магадгүй гэнэ.

Хэргийг Чингэлтэй дүүргийн цагдаагийн нэгдүгээр хэлтэст үргэлжлүүлэн шалгаж байна.