“Нарантуул” худалдааны төвийн хүнсий захад өнөөдөр өглөө гал гарсан. Үүнтэй холбоотойгоор Нийслэлийн онцгой комисс яг одоо Хангарьд ордонд хуралдах байна. Галыг унтраахад 6 анги 06,30 цагаас хойш ажиллажээ. Галын улмаас нэг хүн амиа алдсан болзошгүй урьдчилсан мэдээлэл байна.
"Нарантуул" захын шатсан обьект галын дохиололгүй байсан бөгөөд урьдчилсан дүгнэлтээр түймэр шөнө дунд гарсан байж болзошгүй гэнэ. Мэргэжлийн хяналтын газрынханы хэлж байгаагаар шатсан обьектийг улсын комисс хүлээж аваагүй байжээ. Тус худалдааны төвд аюулгүй байдалд хяналт тавих үүргээ бүрэн дүүрэн биелүүлээгүй хүмүүст хариуцлага тооцно гэдгээ хотын дарга хэллээ. Мөн Цагдаагийн үзлэгтэй холбоотойгоор захын үйл ажиллагааг тодорхой хугацаанд зогсоох тул дүүргүүдэд гарах худалдааг яаравчлахыг үүрэг болгов.
Д.Цэцэг