“Нарантуул” худалдааны төвийн хүнсний бүтээгдэхүүн худалдаалдаг павильонд өнгөрсөн баасан гарагт гал гарч  хүнсний зах нь бүхэлдээ шатсан билээ. Аврах тусгай ангийнхан гал унтраах үедээ хүнсний зах дотроос хэн нь үл мэдэгдэх цогцсыг илрүүлсэн юм. Тэгвэл шалгалтын явцад дахин нэг хүн амиа алдсан байж болзошгүй гэх мэдээллийг эх сурвалж өглөө. Учир нь хоёр хүн сураггүй байгаа аж. Тэднийг дарагдаж амиа алдсан байж болзошгүй хэмээн таамаглаж байгаа бөгөөд мөн тус захын хамгаалагчид байж магадгүй гэжээ.