Солонгосын T-ARA, SPEED, SEEYA хамтлагууд “T-ARA ба K-POP одод” тоглолтоо ирэх сарын 23-нд Төв цэнгэлдэх хүрээлэнгийн задгай талбайд хийнэ.
Тоглолтын бүрэлдэхүүнд багтсан нийт 44 хүн ирэх сарын 19-нд ирнэ. Үүнээс 20 хүн нь тус хамтлагийн үнэнч шүтэн бишрэгчид бөгөөд тэднийг хаана ч явсан хамт явдаг гэнэ.
Тус тоглолтын тасалбарыг үнэт цаасан дээр хэвлэсэн бөгөөд энгийн ангилал нь 35 мянга, тусгай нь 60 мянган төгрөг бол VIP ангилал 350 мянган төгрөгөөр борлуулагдах юм байна.
Мөн тоглолтын үйл ажиллагааг угтаж ETV телевиз болон IHC компани ирэх сарын 14-нд “K-POP AND COVER DANCE-2013”сэдэвт дуу, бүжгийн тэмцээнийг зохион байгуулна. Тэмцээнд Солонгос дуу, бүжиг сонирхдог хүн бүр оролцох боломжтой ба ялагчийг тоглолт үзэх эрхээр шагнах юм.
Б.Будхүү