УИХ-ын 30 дугаар тогтоолоор үндэсний үйлдвэрт тушаасан хонь болон тэмээний  нэгдүгээр зэргийн ноосны килограмм тутамд 2000 төгрөгний урамшуулал олгохоор шийдвэр гаргасан бөгөөд үүнд Өмнөговь хамрагдахгүй юм байна. Учир нь бусад 20 аймаг урамшуулалд хамрагдах мэдээгээ ХХААХҮЯ-д ирүүлжээ. Харин Өмнөговь аймаг мэдээгээ ирүүлээгүй гэдгийг албаны хүн нь хэлж байлаа.

Энэхүү ажлын эхлэл болж Баян-Өлгий, Ховд, Увс, Орхон, Сэлэнгэ, Сүхбаатар, Дархан, Булган, Хэнтий, Дундговь, Архангай аймгийн 59 сумын 4805 өрхийн үндэсний үйлдвэрлэлд тушаасан 640,8 тонн ноосны урамшуулалд 1 тэрбум 281,7 сая төгрөгийг олгохоор тушаал гарсан аж. Урамшуулалыг тухайн малчны оршин суудаг сумын төрийн сангаар дамжуулан олгох бөгөөд ирэх онд бас үргэлжлэх юм байна.