Монголын бөмбөгтэй хоккейн баг дэлхийн аваргад өрсөлдөхөөр бэлтгэлээ базааж байна. ДАШТ ирэх хоёрдугаар сард Казахстаны Алматы хотноо болно. Бэнди буюу бөмбөгтэй хоккей нь манайд хөгжөөд удаагүй байгаа ч Монголын бөмбөгтэй хоккейн шигшээ баг Азийн өвлийн спортын наадмаас мөнгөн медаль хүртсэн билээ. Анх удаа дэлхийн аваргад өрсөлдөж байгаа ч бэлтгэл сайн байгаа учир "Алматы-2012"-аас медаль авах боломжтой гэж Монголын бэндийн холбооныхон ярьжээ.