Босни-Герцеговино улсын Сараево хотод болж байгаа чөлөөт бөх, сонгомол барилдааны Ахмадын ДАШТ энэ сарын нэгнээс 06-ны өдрийг хүртэл болж байна.
Тус тэмцээний 130 кг-ийн жингийн ангилалд барилдсан манай улсын тамирчин Х.Цолмонбаатар дэлхийн аварга болжээ. Тэрээр нэгдүгээр тойрогт Бельгийн бөх Абдул Мурадовыг 6:0, хоёрдугаар тойрогт оросын бөх Виталий Мартиусовыг 4:0, 0:2 онооны харьцаагаар ялж түрүүлсэн байна.
Ахмадын ДАШТ-нд АНУ, Англи, ОХУ, Франц, ХБНГУ, Швед, Энэтхэг зэрэг 40 орчим орны тамирчид долоон насны ангилалаар өрсөлдөж байгаа юм. Манай улсаас найман тамирчин, дасгалжуулагч болон шүүгчдийн хамт явжээ. Харин манай тамирчдаас МУГТ Ц.Нацагдорж 1995-1996 онд тус тэмцээнд түрүүлж байжээ.
Б.Буд