Сэлэнгэ аймгийн Цагдаагийн газрын эрүүгийн тасгийн дарга, цагдаагийн дэд хурандаа Д.Өлзийсайханыг найман жилийн өмнө цагдаагийн албан хаагчтай маргалдаж, зодсон хэрэгт сэжигтнээр татан шалгаж байгаа. Энэ талаар түүний өмгөөлөгч Л.Баттогтох өнгөрөгч сарын 30-нд мэдээлэл хийсэн.
.
Тэрээр “П.Өлзийсайханыг прокурорын байгууллага хэн нэгний захиалгаар хилс хэрэгт хийгээд байгаа билээ. Түүнийг эрүүгийн тасгийн даргаар ажиллаж байхад тус аймгийн прокурорын газрын дарга Ш.Болд-Эрдэнэ гэгч этгээд авилгалын асуудалд орооцолдсон байна. Түүний хэрэг дээр П.Өлзийсайхан АТГ-ын мөрдөн байцаагч Б.Бат-Олзвой, болон Сэлэнгэ аймгийн Цагдаагийн газрын Эрүүгийн төлөөлөгч Г.Ганболд нар ажиллаж, н.Болд-Эрдэнийг авилгал авсныг тогтоосон байгаа юм. Тиймээс Ш.Болд-Эрдэнэ тодорхой хэмжээний ял авч, үүнээс нэг жилийн ялыг биеэр эдлэсэн байна. Гэвч тэрбээр хорих ангиас гарч ирээд хуулийн байгууллагад нөлөөлж өөрийн нь шалгаж байсан П.Өлзийсайхан, Б.Бат-Олзвой, Г.Ганболд нарыг Улсын прокурорын дэргэдэх мөрдөн байцаах албанд “хууль бусаар намайг баривчилсан, хууль бусаар нотлох баримт гаргасан” гэх гомдлыг гаргасан байгаа юм. Үүнд Нийслэлийн прокурорт хянаад эрүүгийн хэрэг үүсгэж, шүүхэд шилжүүлсэн. Харин гурван шатны шүүхээс “уг хэрэг гэмт хэргийн бүрэлдэхүүн шинжгүй” хэмээн хэргийг цагаатгах тогтоол гарсан” гэж хэлсэн.
_.
Гэтэл өнөөдөр Ш.Болд-Эрдэнэ сэтгүүлчдэд мэдээлэл хийхдээ өөрийгөө тус хэрэгт холбогдолгүй гэж хэлсэн юм. Энэ талаар түүнээс тодрууллаа..
-Таныг П.Өлзийсайханд өширхөх сэтгэлтэйгээр прокурорын дэргэдэх мөрдөн байцаах албанд хандсан гээд байгаа. Энэ талаар?
-П.Өлзийсайхан гэмт хэрэгт холбогдоод хоригдож байгааг би саяхан мэдсэн. Тэгээд намайг өшөө авах гэж хориод байгаа тухай мэдээлж байна. Би энэ хэргийн талаар мэдэхгүй, миний оролцоо ч байхгүй. Тэгээд ч төрийн байгууллага миний үгээр ажлаа хийнэ гэж юу байхав. Өмгөөлөгч нь хэвлэлийн хурал хийхдээ намайг гаргаж ирээд энэ зүйлийг намайг хийгээд байгаа л гэж байна лээ. Би түүний ярьж байгаа зүйлийн нэг л агуулгад анхаарахдаа шийдвэрлэгдээгүй байгаа хэргийг өөр зүг рүү хандуулж, энэ хүнээс л болоод ийм зүйл болж байгааг харуулах гээд байна гэж. Хууль хяналтын байгууллагууд хэвлэлээр гарсан гүтгэлэгийн шинжтэй материалыг шалгаж байгаа юм байна лээ. Би бол энэ хэргийн талаар юу ч мэдэхгүй. Үүний үнэн зөв олдох байх гэж бодож байна.
:
-П.Өлзийсайханыг хэзээнээс эхэлж мэдэх вэ. Тэр таныг хэлмэгдүүлсэн гэж буйгаа юугаар нотлох вэ?
-Намайг 2002 онд Сэлэнгэ аймгийн Прокурорын газрын орлогч прокуророор ажиллаж байхад тус аймгийн цагдаагийн газрын эрүүгийн төлөөлөгч нар аймгийн прокуроруудыг хууль бусаар тагнаж мөрдсөн, дарамталсан прокурор цагдаагийн ажилтнууд зодолдсон гэх мэт хууль бус асуудал үүсч тухайн үеийн Хууль зүй, дотоод хэргийн яам, УЕПГ, ЦЕГ-уудын хамтарсан шалгалт очиж шалгаад эрүүгийн төлөөлөгч П.Өлзийсайханыг “бусдыг зодож гэмтээсэн” гэмт үйлдэлд нь эрүүгийн хэрэг үүсгэн, албан тушаалыг нь түдгэлзүүлж, эдийн засгийн төлөөлөгч Г.Ганболдын албан тушаалыг нь бууруулах, сахилгын арга хэмжээ авч байсан юм. Энэ үеэс эхлэн энэ хоёр нөхөр албан үүргээ хуулийн дагуу гүйцэтгэсэн прокурорууд өширхөж, хувийн өш хонзон авахаар улайрч эхэлсэн түүхтэй. Тэгээд 2008 онд хулгайн гэмт хэрэг үйлдсэн Р.Батбаяр гэдэг этгээдээс надад авилга өгсөн тухай худал тайлбар гаргуулан АТГ-т хүргүүлж найз Б.Бат-Олзвойдоо хуваарилуулан намайг хэлмэгдүүлэх ажиллагаа явуулж эхэлсэн. Ингээд би хилс хэрэгт хэлмэгдэж нэг жилийн хорих ял авсан боловч дөрвөн сар хоригдоод гарсан. Миний өнөөдөр энд өгч байгаа бүх мэдээлэл баримттай.
.
. -Та П.Өлзийсайханы хийж байсан хэргүүдийг мэдэх үү?-Би Сэлэнгэ аймгийн Прокурорын газарт 10-аад жил ажилласан дөрвөөс таван удаа эрүүгийн хэрэгт шалгагдаж байсныг мэднэ. Хамгийн сүүлд түүнд холбогдох нэг хэрэг шүүхээр ороод хяналтын шатанд очоод хэрэгсэхгүй болгосон байдаг.Тэр хэргийг нь Б.Бат-Олзвойгийн ах Б.Бат-Эрдэнэ авч хэрэгсэхгүй болгосон байгаа юм. Ер нь П.Өлзийсайхан янз бүрийн л хэрэгт холбогдоод явдаг. Үүнийг ганц би биш Сэлэнгийнхэн бүгд мэднэ.
.
Б.Буд