Жоргүйгээр эм олгодог асуудлын талаар Шударга өрсөлдөөн, хэрэглэгчийн төлөө газар, Эрүүл мэндийн яам, Мэргэжлийн хяналтын ерөнхий газар, Нийслэлийн мэргэжлийн хяналтын газар, Оюуны өмчийн газар, Эмийн холбоо болон эмийн сангуудын төлөөлөлүүдтэй хамтран нээлттэй хэлэлцүүлгийг хоёр дахь удаагаа зохион байгуулжээ.

Энэхүү нээлттэй хэлэлцүүлгээр нийтийн дунд байдаг өөрийнхөө өвчнийг оношлоод, эмийн сангаас дур мэдэн эм авч уудаг асуудлыг зохицуулах, түүнээс гарах гарцын тухай санал бодлоо солилцсон байна.

Хэлэлцүүлгээс гарч буй байгаа санал, зөвлөмжүүдийг нэгтгэж цаашид баримтлах бодлогын бичиг баримтанд тусгах, хууль, дүрэм журамд өөрчлөлт оруулахаар боллоо. Тодруулбал, жороор олгодог эмийг даатгалд хамруулвал ямар үр дүн гарах вэ гэдгийг олон талаас нь судалж холбогдох чиглэлийг харьяа яаманд өгнө. Мөн эмч нарын жороор эм бичих нөхцөл байдалд хяналт тавих нэгдсэн системтэй болохоор болсон байна.

Б.Буд