Барилгын материалын үнэ өсчээ
2011-01-11

Улаанбаатар хотод 2010 оны 12 дугаар сард арилжсан эх орны үйлдвэрийн болон ОХУ, БНХАУ, ХБНГУ, БНСУ-д үйлдвэрлэсэн барилгын үндсэн 37 нэр төрлийн материалын дундаж үнийг мэдээнд хамруулжээ. Барилгын материалын үнэ өмнөх оны мөн үеийнхтэй харьцуулахад эх орны үйлдвэрийн хуурай палкны үнэ 12 дугаар сард 53.8 хувь, захалсан банзных 52.2 хувь, шалны ховилгүй банзных 16.7 хувь, хөнгөн бетоных 15.1 хувь, бетон зуурмагных 13.0 хувиар тус тус өссөн байна. Харин улаан тоосгоны үнэ 25.0 хувиар буурсан байна.

ОХУ-д үйлдвэрлэсэн чулуутай хар цаасны үнэ 3.6 хувиар өсчээ. БНХАУ-д үйлдвэрлэсэн цементний үнэ 7.1 хувиар буурч, харин чулуугүй хар цаасны үнэ 2.9 хувь, төмөр хаалганы үнэ 3.8 хувь, дүүжин таазных 5.3 хувь, паркетан шалных 11.1 хувь, шалны хавтангийнх 13.3 хувь, ханын цаасных 14.3 хувь, шаазан угаагуурынх 22.2 хувь, шаазан суултуурынх 23.1 хувь, крантных 60.0 хувиар тус тус өссөн байна.

Өмнөх сарынхтай харьцуулахад БНХАУ-д үйлдвэрлэсэн шалны хавтангийн үнэ 6.3 хувиар өсч, бусад материалын үнэ өмнөх сарын түвшинд байв.

Ц.Батука
Shuud.mn
Сонин хачин
Thanks for your tghuohts. It's helped me a lot.
2011-12-30