Торнода хар шуурга  АНУ-ын Иллиной, Индиана, Кентаки мужуудад дахин дэгдлээ. Энэхүү хар шуурганы улмаас гурван хүн амь алдаж, 100 гаруй хүн гэмтжээ.

АНУ-ын онцгой байдлын албаныхны мэдэгдсэнээр, Торнода хар шуурганы гамшигт 53 сая хүн их, бага хэмжээгээр хохирсон. Шуурганы бүсэд утасны шүлжээ маш муу байгаа нь олон иргэнийг аюулд оруулж байгааг онцлов. Индиана мужид л гэхэд 1000 гаруй  айл гэрэл цахилгаангүй болжээ. Хар шуурга  цагт 145 км хүрсэн бөгөөд цаг уурчдын мэдэгдэж буйгаар Чикаго хот руу аажмаар ойртох гэнэ.

Тэргүүн хатагтай Мишель Обама ард түмэндээ хандаж “Сэтгэлийн тэнхээтэй байх хэрэгтэй. Хамгийн их сэтгэл зовоож байгаа зүйл бол цэвэр усны асуудал. Тиймээс ойрын хугацаанд цэвэр ус болон дулаан хувцас хүргэх болно. Би та бүхнийг эрүүл саруул байгаасай гэж залбирах болно” гэжээ.

Б.Дэлгэрцэцэг