Дорнод аймгийн Мэргэжлийн хяналтын газраас “Ард түмэн Та-Хаан” форумын үеэр иргэдийн зүгээс ирүүлсэн санал, асуулгад дүгнэлт хийхэд Хүнсний аюулгүй байдлын талаар ирүүлсэн санал хүсэлт, гомдол дийлэнх хувийг эзэлж байсан тул газрын даргын 2013.11.14-ний өдөр удирдамж батлуулан хилийн боомтуудаар оруулж ирсэн хүнсний бүтээгдэхүүний борлуулалт, худалдаалалтын байдалд хамтарсан шалгалт хийжээ.
Шалгалтаар чанар, аюулгүй байдлын шаардлага хангахгүй, шошгын зөрчилтэй / "Qiaoeli" шоколад, зайдас, цэлцэгнүүр, самар, тоглоомтой чихэр, төрөл бүрийн хэлбэр дүрстэй хуванцар савтай ундаа, тамхин гаа, аягатай шоколад/ зэрэг найман нэр төрлийн 1691 ширхэг буюу 138750 төгрөгийн хүнсний бүтээгдэхүүнийг хураан авч, Аймгийн Засаг даргын дэргэдэх Захиргааны журмаар эд зүйл хураах устгах, улсын орлого болгох орон тооны бус хяналтын зөвлөлд санал оруулан устгах арга хэмжээ авсан байна.
Д.ЦэцэгУншиж байна |