12-14 насны дөрвөн охиныг Хятад иргэдэд худалдахаар хил давуулах гэж байсан этгээдүүдийг Баянгол дүүргийн цагдаагийнхан илрүүлэн барьсан байна. Хэргийг Баянгол дүүргийн харьяат Г,Б,Т нар үйлдэх гэж байсан аж. Хэрэв охидыг хятадуудад зарах гэж байж болзошгүй нь гэх мэдээллийг иргэд Баянгол дүүргийн Цагдаагийн хэлтэст ирүүлээгүй бол дээрх насанд хүрээгүй дөрвөн охин БНХАУ-д хүний наймааны хохирогч болон очих аюултай байсан байна. Охидыг худалдан авахаар Хятад иргэд Г,Б,Т нартай тохиролцсон байх үндэслэлтэй байгаа юм байна. Тиймээс тус дүүргийн Цагдаагийн хэлтсээс Эрүү үүсгэн шалгаж байгаа бөгөөд сэжигтнээр шалгагдаж байгаа этгээдүүдийн хувьд өмнө нь энэ төрлийн гэмт хэрэг үйлдсэн эсэхийг лавшруулан шалгаж байгаа гэж байна.
Хүн худалдаалах гэмт хэргийн хохирогч болсон Монгол охид харийн нутагт зүдэрч байгаа харамсалтай жишээ нэмэгдэж байгаа нь үнэн юм. Тиймээс иргэд эл гэмт хэргийн эсрэг ийнхүү өөрсдийн хэмжээнд тэмцэж байгаа нь сайшаалтай хэрэг юм.
Уншиж байна |