Халимагийн нийслэл Элистэд “Гадуурхагдсан ч хугараагүй ард түмэн” бүс нутгийн фестиваль болж байна. Халимагчуудыг нутаг заан хөөж гаргасны 70 жилийн ойд зориулсан тус наадмын үеэр дугуй ширээний ярилцлага, үзэсгэлэн болон өөр олон үйл явдал болох гэнэ.
Энэхүү фестивальд Халимагийн нийслэлд хөрш бүс нутгийн зочид төлөөлөгчид болон Сибирьт цөлөгдсөн халимаг иргэд иржээ. Эдгээрийн дунд Чечень, Ингушет, Карачаево-Черкес, Кабардино-Балкарийн зохиолч, зураач, музейн ажилтнууд, уран бүтээлчид байгаа аж.
Фестивальд оролцогчид цөллөгийн үеэр амь үрэгдсэн иргэдэд хүндэтгэл үзүүлсэн байна.
Д.Од