Увс аймаг Наранбулаг-Хяргас нуур чиглэлийн 100 км хатуу хучилттай авто замын нээлт болсон байна.  Тус замыг Авто замын барилга угсралтын “Шинжиан Шин Фан” ХХК Засгийн газартай концессийн гэрээ байгуулан 99,4 тэрбум төгрөгөөр Тээл Наранбулаг-Үзүүрийн булаг чиглэлд хатуу хучилттай 195 км авто замыг 2014 онд ашиглалтад оруулах нөхцөлтэйгөөр ажиллаж байна. Үүнээс 100 км замыг түр нээсэн бөгөөд ирэх онд 95 км замыг тавьж дууссанаар ашиглалтад бүрэн хүлээлгэн өгөх юм. Уг арга хэмжээнд Зам тээврийн дэд сайд Х.Ержан, Авто замын бодлогын хэрэгжилтийг зохицуулах газрын дарга Р.Онон, Увс аймгийн Засаг дарга Д.Цэндсүрэн, Наранбулаг сумын Засаг дарга Ю.Баттулга нарын  хүмүүс оролцжээ.

Д.Цэцэг