Өнөөдөр олон улсын хүний эрхийн өдөр
2013-12-10

Өнөөдөр буюу энэ сарын 10-ны өдөр “Олон улсын Хүний эрхийн өдөр” тохиож  байна. Хүний эрх, эрх чөлөөг дээдлэн сахих нь бүх нийтийн аюулгүй байдал, энх тайвны үндэс болохыг тунхаглаж, Нэгдсэн Үндэстний Байгууллагын Ерөнхий Ассамблейгаас Хүний Эрхийн Түгээмэл Тунхаглал хэмээх баримт бичгийг 1948 оны 12 дугаар сарын 10-ны өдөр батлан гаргасан билээ. Үүнээс хойш жил бүрийн эл өдрийг "Олон улсын хүний эрхийн өдөр” болгон дэлхий нийтээр тэмдэглэж, өдгөө 65 дахь жилтэйгээ золгож байна.

Орон орны Хүний эрхийн байгууллагууд олон улсын хүний эрхийн өдрийг Нэгдсэн Үндэстний Байгууллагын Хүний эрхийн Дээд комиссарын газраас гаргасан нэгдмэл уриан дор тэмдэглэж, сурталчилгааны өргөн хүрээтэй үйл ажиллагаа зохион явуулдаг билээ.

НҮБ-ын Ерөнхий Ассемблейгаас 1948 онд 48 улсын дэмжлэг, найман улс түдгэлзсэнээр Хүний эрхийн түгээмэл тунхаглалыг батлахдаа “Дэлхийн бүх улс түмэн, бүх улс оронд хамаатай нийтлэг хэм хэмжээ болохыг зарлаж, хүн бүр, нийгмийн нэгж байгууллага болгон “энэхүү хэм хэмжээг биелүүлэхийн тулд үзэл санааг түгээн дэлгэрүүлэх замаар эдгээр эрх, эрх чөлөөг хүндэтгэн мөрдөх явдалд дөхөм үзүүлэх, үндэсний болон олон улсын хэмжээний дэвшилтэт арга замаар хүний эрх, эрх чөлөөг зохих ёсоор зөвшөөрүүлэн хэрэгжүүлэхийг тунхагласан.

Б.Одон

Shuud.mn
Сонин хачин
zochin:
hunii erh jinhene utgaaraa aldagdaad bgaa ene ued yun erh ve zasgiin gazar mongolchuudiig bidnii ugiig sonsohgui uursniihuu uzel er dairaad help bgaa ugee bulzairuulaad buruu yariaad bgaa ued yun hunii erh ene ter vee
2013-12-10