Уул уурхайн яам болон Монголын улсын хайлуур жонш олборлогч, судлаачдын холбоотой харилцан ойлголцлын “Санамж бичиг”-байгуулжээ. Шинэчлэлийн Засгийн газрын бодлого, үйл ажиллагааг дэмжих, тэргүүн ээлжинд экспортын хэмжээ, орлогыг нэмэгдүүлэх, ил тод, хариуцлагатай уул уурхайг хөгжүүлэхэд идэвх санаачлагатай ажиллах болон жоншны металлургийн ба флотацийн баяжмалын чанар, стандартыг сайжруулах, хүдрийн баяжуулах, боловсруулах үйлдвэрийн хүчин чадлыг бүрэн ашиглаж, үр ашгийг нэмэгдүүлэх асуудлаар ийнхүү хамтран ажиллахаар болж байгаа юм.