УИХ-ын чуулганы нэгдсэн хуралдаан өнөөдөр 09.00 цагаас товлогдоод байна. Хуралдаанаар Алтны худалдааны ил тод байдлыг бүрдүүлэх тухай, Ашигт малтмалын тухай хуульд нэмэлт, өөрчлөлт оруулах тухай хуулийн төслүүд, Улсын Их Хурлын гишүүн Р.Амаржаргалын чөлөөлөгдөх хүсэлтийн тухай, Түгээмэл тархацтай ашигт малтмалын тухай хууль болон холбогдох бусад хуулийн төслүүд, Агаарын тухай хуульд нэмэлт, өөрчлөлт оруулах тухай хуулийн төсөл, Монгол Улсын төсвийн тухай хуульд нэмэлт оруулах тухай, Засгийн газрын тусгай сангийн тухай хуульд нэмэлт оруулах тухай хуулийн төсөл зэргийг хэлэлцэнэ.