Афганистан, Пакистаны хооронд хилийн мөргөлдөөн гарчээ. Афганистаны цэргүүд Пакистаны хил рүү гал нээж таван пакистаны хилчдийг хүндээр шархдуулжээ.
Хариуд нь Пакистаны талаас бага оврын пуужин харвагч зэргийг ашиглан гал нээж Афганы долоон хилчнийг хөнөөсөн байна. Энэхүү мөргөлдөөнд Талибан хүчнийхний оролцоо огт байгаагүй гэнэ.
Сүүлийн үед НАТО-гийн нисдэг тэргүүд Пакистаны хилийн пост руу халдаж 24 пакистаны цэргийн албан хаагч амь үрэгдсэнтэй холбогдуулан хоёр улсын хил дээр түгшүүртэй байдал үүсээд байгаа. Пакистан улс АНУ-тай тогтоосон түншийн харилцаагаа эргэн харж, НАТО-гийн тус улсын нутаг дэвсгэр дээгүүр дайран өнгөрдөг бүх тээврийн чиглэлийг хаасан юм.