Германы баруун хэсгийн Бонн хотын ойролцоо дэлхийн II дайны үеийн тэсрэх бөмбөг дэлбэрснээс нэг хүний амь үрэгдэж, 13 хүн гэмтэж бэртжээ.
Ойрын эх сурвалжийн мэдээлж буйгаар Германы Ойскирхен аж үйлдвэрийн бүсэд байрлах фирм барилгын ажлын үеэр 70-80 жилийн настай тэсрэх бөмбөг гэнэт дэлбэрч, газар ухаж байсан нэг ажилтан амиа алджээ. Дэлбэрэлтийн улмаас ойр орчмын 400 метр дэх байшин, барилгын цонх, дээвэр, хаалга эвдэрч сүйдсэн гэнэ.
Германы албаныхан энэ тэсрэх бөмбөг 1945 оноос хойш тэнд булаатай байсан, эсвэл хор хөнөөлийг нь багасгах зорилгоор тэнд авчирч булсан эсэхийг тодруулахаар ажиллаж эхэлжээ. 1945 оны дайнаас хойш газрын хөрсөнд булагдан үлдсэн тэсрэх бөмбөгнүүд тус улсаас ихээр олддог ч дээрхтэй адил тэсэрч, хүний аминд хүрсэн тохиолдол өмнө нь гараагүй юм.
Б.Дэлгэрцэцэг
Уншиж байна |