“Гал үндэстэн холбоо”-ны тэргүүн Ц.Мөнхбаяр нарын найман хүнд холбогдох хэргийн шүүх хурал өчигдөр ШШГЕГ-ын харьяа хорих 461 дүгээр ангид эхэлсэн билээ. Тэгвэл өчигдөр болсон шүүх хурал оройн 20 цаг хүртэл үргэлжлээд завсарласан байна. Улмаар шүүх хурал өнөөдөр үргэлжилж байгаа аж.

Хэдийгээр тус шүүх хурал энэ сарын 8-нд болох байсан ч хоёр шүүгдэгчийн өмгөөлөгч нь орон нутаг болон гадаад улс оронд томилолттой байсны улмаас өчигдрийг хүртэл хойшлоод байсан юм.

Ц.Мөнхбаяр нарыг Эрүүгийн хуулийн 177.2 буюу зохион байгуулалттайгаар бүлэглэн бусдад хор уршиг учруулсан, 149.3 буюу зохион байгуулалттай бүлэг онц их хэмжээний эд хөрөнгө авахаар далайлган сүрдүүлсэн, 185.1.2 буюу галт зэвсэг байлдааны хэрэгсэл хууль бусаар олж авсан гэх үндэслэлээр эрүүгийн хэрэг үүсгэн шалгаж байгаа билээ.

Б.Одон