УИХ-ын даргын ахлах зөвлөх, ЭМШУИС-ийн удирдах зөвлөлийн дарга С.Ламбаа Японы Олон улсын хамтын ажиллагааны байгууллага “Жайка”-ийн төлөөллийг өчигдөр Төрийн ордонд хүлээн авч уулзжээ. Уулзалтаар Японы буцалтгүй тусламжаарБаянзүрх дүүрэгт барих орчин үеийн тоног төхөөрөмжтэй ЭМШУИС-ийн эмнэлгийн зураг төслийн асуудлаар санал солилцсон байна. “Жайка”-гийн төлөөлөл хэлэхдээ, зураг төслийг богино хугацааны дотор хийж, Японы засгийн газарт танилцуулах болсон талаар дэлгэрэнгүй мэдээлэл хийжээ. Энэхүү эмнэлэг баригдсанаар Монгол улсад анх удаа Их сургуулийн дэргэд олон улсын стандартад нийцсэн эмнэлэгтэй болж, монгол эмч нарыг бэлтгэх ажлыг шинэ шатанд гаргахад чухал үүрэг гүйцэтгэх юм.