“Болор цом” яруу найргийн наадам Өврийн сайхан хангай нутагт эхэлж байна. Тэртээ 1983 онд Хөдөлмөрийн баатар, Ардын уран зохиолч, яруу найрагч Дэндэвийн Пүрэвдорж агсан анх санаачлан зохион байгуулснаас хойш өдгөө 31 дэх удаагаа зохиогдож байгаа юм. Найрагч Д.Пүрэвдорж агсаны 80 насны ой өнгөрсөн онд тохиосонтой холбоотойгоор түүний төрсөн нутаг Өвөрхангай аймагт энэ удаагийн наадам болж буй юм.

лд

Өнөөдөр эхний шатанд шалгарсан 25 яруу найрагч шүлэг найргаа толилуулж, тэдний шилдэг нь “Болор цом-31”-ийг өвөртөлж эзэн тодорч, урлагийн тэнгэр Янжинлхам бурханыг залан харина. Гучин оны болор цомын эздийн алдрыг, наадамд түрүүлсэн шүлгийн нэртэй нь хамт хүргэж байна. Харин 31-дэх шилдэг найрагч нь хэний хүү, охин, хэн байх бол.

БЙ 1983 он – Хөдөлмөрийн баатар Д.Пүрэвдорж – Хүн төрөлхтөнд хэлэх үг 1984 он – Ардын уран зохиолч Д.Цоодол – Нэр нь тодроогүй баатрууд 1985 он – Ардын уран зохиолч Б.Лхагвасүрэн – Шагнал 1986 он – Яруу найрагч Т.Очирхүү – Чулууны магтаал 1987 он – Ардын уран зохиолч П.Бадарч – Тэмээ 1988 он – Ардын уран зохиолч Т.Галсан – Жирмийн сүлжээ 1989 он – Соёлын гавьяат зүтгэлтэн Ц.Чимэддорж – Малчин 1990 он – Д.Нацагдоржийн шагналт Б.Ичинхорлоо – Тэнгэр 1991 он – Д.Нацагдоржийн шагналт Б.Ичинхорлоо – Эх нутаг 1992 он – Ардын уран зохиолч Б.Лхагвасүрэн – Хил дээр бичсэн шүлэг 1993 он – Ардын уран зохиолч Д.Цоодол – Миний муусайн найз нар 1994 он – Д.Нацагдоржийн шагналт Ц.Хулан – Ганцхан ижийдээ унших шүлэг 1995 он – Яруу найрагч Б.Дорпалам – Хөөрлийн шүлэг 1996 он – Төрийн шагналт Д.Төрбат – Ижий шүлэг 1997 он - Ардын уран зохиолч Д.Цоодол – Хуучин дэр модны дууль 1998 он – Ардын уран зохиолч Б.Лхагвасүрэн – Ижийтэйгээ байхад 1999 он - Соёлын гавьяат зүтгэлтэн Ц.Чимэддорж – Элсэн тасархай 2000 он – Яруу найрагч Г.Мөнхцэцэг – Янжинлхам бурханд гуйж мөргөх шүлэг 2001 он – Төрийн соёрхолт Ц.Бавуудорж – Хүрэл чоно 2002 он – Д.Нацагдоржийн шагналт А.Эрдэнэ-Очир – Зам 2003 он – Яруу найрагч Д.Урианхай – Шөнийн онгоц 2004 он – Д.Нацагдоржийн шагналт Ж.Баяржаргал – Арга билгийн ертөнц 2005 он – Яруу найрагч Ж.Мөнхбат – Бурхан хүсэл 2006 он – Яруу найрагч Б.Галсансүх – Англи хэлэнд итгэж зориулав 2007 он – Яруу найрагч Ш.Лхамноржмаа – Газрын үг 2008 он – Яруу найрагч Л.Хасар – Миний нэг өдөр ингэж санагдаад... 2009 он – Яруу найрагч Х.Эрдэнэбаатар – “Нэргүй шүлэг” 2010 он – Д.Нацагдоржийн шагналт Ц.Хулан – Би-Цагаан дарь эх 2011 он – Яруу найрагч Д.Болдхуяг – Монгол хэл 2012 он – Яруу найрагч Н.Гантулга – Уулсын сэтгэлгээний тэлэлт 2013 он - ? БЙ Б.Буд