Францын Ерөнхийлөгч Франсуа Олландыг эсэргүүцсэн иргэд нийслэл Парис хотноо дургүйцлээ илэрхийлэн, жагсаал зохион байгуулсан тухай “ВВС” агентлаг мэдээллээ. Тус жагсаалыг тараахын тулд цагдаагийнхан жагсагчдын өөдөөс нулимс асаргуулагч хий ашигласны улмаас мөргөлдөөн болжээ. Албаныхны мэдээлснээр мөргөлдөөний улмаас 19 цагдаагийн ажилтан бэртэж, 250 гаруй жагсагчийг баривчлан саатуулсан байна.
1
Ерөнхийлөгч Олландыг ард иргэд эсэргүүцэж буй гол шалтгаан нь “эдийн засгийн хүндрэлийг шийдэж чадахгүй, хувийн амьдралдаа хэтэрхийн их анхаарал хандуулж, Франц улсын нэр хүндийг дэлхий дахинаа унгааж” байна гэжээ. Эсэргүүцлийн жагсаал эхлэхдээ тайван байсан боловч хэсэг хугацааны дараа мөргөлдөөн болон хувирчээ. Тус жагсаалд 17 мянган хүн оролцсон тухай хотын дарга хэвлэлийн хурлын үеэр хэлжээ. Харин жагсаал зохион байгуулагчдын зүгээс 50 мянган хүн оролцсон гэв.
1
Б.Дэлгэрцэцэг
Уншиж байна |