Ажилчдынхаа цалингаас Нийгмийн даатгалын шимтгэлийг суутгаж авсан хэрнээ Нийгмийн даатгалын байгууллагад зохих журмын дагуу төлөхгүй урт хугацааны их хэмжээний өр үүсгэсэн аж ахуйн нэгжүүд цөөнгүй байна. Гол нь аж ахуйн нэгжүүдийн эл хариуцлагагүй байдлын улмаас даатгуулагчид иргэд ихээхэн хохирол үздэг. Зохих журмын дагуу төлөлт хийж Эрүүл мэндийн даатгалын дэвтрийг нь бөглүүлээгүйгээс болоод даатгуулагч иргэн гэнэт өвдөж эмнэлэгт очиход даатгалаа төлөөгүй хэмээн хүлээж авахгүй чирэгдэл үүсгэх. Мөн тэтгэвэр тогтоолгоход ажилласан жил дутах эрсдэл үүсэхээс гадна жирэмсэн, амаржсаны болон ямар нэгэн тохиолдлоор ажлаас халагдсан үед ажилгүйдлийн тэтгэмжээ авч чадахгүйд хүрэх эрсдэлтэй. Тиймээс НДЕГ-аас 30 сая төгрөгөөс дээш өртэй аж ахуй нэгж байгууллагын нэрсийг хуулийн дагуу олон нийтэд зарлаж байгаа аж. Тус газар нь доорхи нэр бүхий аж ахуй нэгж байгууллагуудыг хуулийн дагуу үүргээ биелүүлж, даатгуулагчдыг хохиролгүй болгохыг шаарджээ.