Улсын ерөнхий прокурорын газраас Завхан аймгийн 24 төрийн албан хаагчийг гэмт хэрэгт холбогдуулан шалгаж эхэлжээ. Уг хэргийн мөрдөн байцаалтын талаар Улсын ерөнхий прокурорын газрын Хэвлэл мэдээллийн албаны дарга н.Сүхбаатар хэлэхдээ “Улсын ерөнхий прокурорын газар төрийн албан хаагчдаас үйлдэж байгаа гэмт хэргийн байдлыг судлаж, Үндэсний аюулгүй байдлын зөвлөлд танилцуулах ёстой.
Энэ дагуу, Завхан аймгийн прокурорын газар 2013 оны арванхоёрдугаар сард төрийн албан хаагчаас үйлдсэн хэргийн талаар судалгаа хийж, цаашид тэднийг хэрэг зөрчлөөс урьдчилан сэргийлэх зорилгоор аймгийнхаа төрийн албаны салбар зөвлөлд мэдээлэл хүргүүлсэн байгаа. Тус аймагт 24 төрийн албан хаагч 23 эрүүгийн хэрэгт холбогдон шалгагдаж байна.
Гэмт хэрэг үйлдсэн дээрх төрийн албагчдын 18 нь эрэгтэй, үлдсэн нь эмэгтэй юм байна. Мөн төрийн албан хаагчид согтуугаар гэмт хэрэг үйлдэх явдал нэлээн ихэсчээ. Энэ төрлийн гэмт хэргийн тоо 45 хувиар өссөн байна.
Б.Одон
Уншиж байна |