Өнгөрөгч баасан гаригт Баянзүрх дүүргийн IV хорооны “Цэргийн хотхон”-д оршин суудаг иргэн Б /эр.32 настай/ өвлийн сууцнаасаа эд зүйлээ хулгайд алджээ.
Тодруулбал, шувууны дүрс бүхий хээтэй бор шаргал өнгийн гартаам хөөрөг, Хүрэн өнгийн бага гарын гартаам хөөрөг, эртний хийцийн мөнгөн хэт, “Dell” болон “HD” зөөврийн компьютер, монетон ээмэг, гинж, бөгж, “Swarowski” шигтгээтэй хос зүүлт алдагдсан байна. Энэ хэргийг тус дүүргийн цагдаагийн II хэлтэст шалгаж байгаа юм.
Мөн энэ сарын 09-ний өдөр Хан-Уул дүүргийн нэгдүгээр хороо, 120 мянгатад байрлах “Оюу хорол” эмнэлгийн төмөр сейфнээс 820 мянган төгрөг, 1700 ам.доллар алдагдсан хэргийг Хан-Уул дүүргийн цагдаагийн I хэлтэст шалгаж байна.
Б.Буд
Уншиж байна |