УИХ-ын гишүүн, УИХ дахь АН-ын бүлгийн дарга Д.Эрдэнэбатын орон нутаг дахь  томилолт үргэлжилж байна. Өнгөрөгч долоо хоногийн тэрбээр  Хөвсгөл, Булган, Орхон, Зүүнхараа хотуудад ажиллалаа. Орон нутаг дахь томилолтын хүрээнд тэрбээр  2014 оны төсөвт царцаасан барилгуудтай газар дээр нь танилцаж,  УИХ-ын намрын чуулганаар баталсан хууль тогтоомжийн талаарх мэдээллийг өгч, иргэдтэй уулзаж санал бодлоо солилцсон юм. Түүнийг Орхон аймагт ажиллахад иргэд Эрдэнэт үйлдвэрийг  Орос Монголын хамтарсан эдийн засгийн чөлөөт бүс болгохыг санал болгосон бол Сэлэнгэчүүд 1000 тонны хүнсний ногоо  хадгалах зоорь барихаар санхүүжилт нь төсөвт суусанд баяртай байгаагаа уулзалтын үеэр хэлжээ. Тэрбээр маргааш Ховд аймгийг зорих юм.

Н.Энх