Өнгөрсөн пүрэв гарагт Хойд Солонгосоос хөөргөсөн пуужин хятадын зорчигч тээврийн онгоцыг онох шахсан тухай “Уonhapnews.co.kr” агентлаг мэдээллээ. Хятадын “Хятадын өмнөдийн агаарын шугам” компанийн онгоц Японы “Нарита” нисэх буудлаас Хятадын Шэньян хот руу 20 мянган метрийн өндөр хөөрч явахдаа орон нутгийн цагаар 16.17 цагт Хойд Солонгосоос хөөргөсөн пуужингийн цагтай давхцаж, нэг бүсэд орж иржээ.
Онгоцны ахмад Уи Зью, Хятадын агаарын нисэх хүчнээс ирсэн мэдээллийн дагуу шугамаас гарах гэж оролдсон ч пуужингийн нөлөөллөөс болж өндрөө алдаж эхэлжээ. Онгоцонд сууж явсан зорчигчид “Өнөөдөр амьд үлдсэн нь ахмадын ур чадвар өндөртэйг харуулсан. Тэрбээр Шэньян хотоос 2000 километрийн цаана орших Жинлуи мужид ослын буулт хийж, 100 гаруй иргэний амийг аварсан” гэжээ.
Энэхүү болчимгүй үйлдэл нь Хойд Солонгосын эрх баригчид пуужин харвах тухайгаа урьдчилан мэдэгдэх ёстой олон улсын хэм хэмжээг зөрчсөнтэй холбоотой юм. Хятадын дарга Си Жиньпин Хойд Солонгосын удирдагч Ким Чен Уныг урьдчилан мэдээллээгүй пуужин хөөргөсөн явдлыг буруутгаж, дахин ийм үйлдэл гаргавал “хариу арга хэмжээ авна” гэж мэдэгдсэн байна. Харин онгоцны ахмад Уи Зьюг 10 сая юанаар шагнажээ.
Өнгөрсөн долоо хоногт Хойд Солонгос Япон тэнгисийн орчимд 13 пуужин харваад байгаа юм. Өмнөд Солонгосын албаны мэдээлж буйгаар “Өмнөд Солонгос болон АНУ-ын цэргийн хамтарсан сургууль болж байгаатай холбоотой хийж байгаа дарамт” гэж мэдэгджээ.
Б.Дэлгэрцэцэг
Уншиж байна |