Их Британы угсаа залгамжлах ханхүү Харригийн нэрийг Хятадын компани ашиглаж, шинэ брэнд гаргахаар болсон тухай “www.dailymail.co.uk” мэдээллээ. Хятадын “Yiwu Novo Clothing Company” гэх компани 2021 оноос эхлэн “Prince Harry” хэмээх хувцасны брэнд гаргаж, худалдаанд гаргахаар төлөвлөсөн бол 2023 онд “Harry Love” гэх сүрчиг гаргахаар болсон гэнэ.
Энэхүү мэдээллийг бататгаж тус компанийн ерөнхийлөгч Ли Зинь өнгөрсөн оноос эхлэн ханхүү Харритай хэд хэдэн удаа уулзаж, нэрийг нь ашиглах зөвшөөрөл авсан хэмээн хэвлэлийн хурлын үеэр хэлжээ. Тэрбээр “Мэдээж хэрэг энэ брэнд дэлхийн шилдгүүдтэй энэ тэнцүү зарагдах нь тодорхой. Яагаад гэвэл бид жинхэнэ ханхүүгийн нэрийг ашиглаж, брэнд гаргахаар болсон. Зарагдах эсэх дээр айхгүй байна. Харин ханхүүгийн сэтгэлд нийцэх эсэхээс айж байна” гэжээ.
Сэтгүүлчид ханхүүгээс хэрхэн зөвшөөрөл авсан тухай Ли Зинээс асуухад “Жинхэнэ ханхүү гэдэг үг өөрөө брэнд гэдгийг нь сайн ойлгуулсан” хэмээн хариулжээ.
Б.Дэлгэрцэцэг
Уншиж байна |