Энэ сарын 20-ноос Сири улсад ирэх долдугаар сард болох Ерөнхийлөгчийн сонгуульд нэр дэвшигчдийг бүртгэж эхэлсэн юм. Өчигдөр дахин сонгогдох хүсэлтэйгээ илэрхийлж, нэр дэвшиж буйгаа зарласан Сири улсын Ерөнхийлөгч Башар аль-Ассадын рейтинг эрс доошилсон тухай “www.dailymail.co.uk” мэдээллээ. Ийнхүү Ассадын рейтинг унах болсон шалтгаан нь Сирийн армийн цэргүүд хүчирхийлэл үйлдэж, дөрвөн настай хүүгийн толгойд буу тулгаж буй нэгэн зургаас болсон аж.
Армийн цэргүүд өнгөрсөн 12-ны өдөр Турк улс руу дүрвэж явсан гэр бүлийн эмэгтэй гишүүдийг хүчирхийлж, тэдэнтэй хамт явж байсан бяцхан хүүгийн толгой руу буу тулгаж буй зураг Сири, Турк болон олон улсын хэвлэлээр нийтлэгджээ. Ерөнхийлөгч тус зураг хэвлэлээр цацагдсаны дараа мэдэгдэл хийж, дахин ард түмнийхээ итгэлийг хүлээж Ерөнхийлөгчөөр сонгогдвол армийн цэргүүдийг хатуу аргаар хүмүүжүүлэхээ амлаж, хохирогч болсон гэр бүлээс уучлалт гуйжээ.
Б.Дэлгэрцэцэг
Уншиж байна |