“People” сэтгүүлээс жил болгон тодруулдаг “Дэлхийн нөлөө бүхий 100 эрхэм”-ийн нэгээр поп дива Бейонси тодорсон юм. Тэрбээр дэлхийн нөлөө бүхий хүнээр тодорсон гэдгээ мэдсэнийхээ дараа нэрт хөтлөгч Опра Унфригаас уучлалт гуйсан тухай “Hollywood.com” мэдээллээ. Бейонси өнгөрсөн амралтын өдөр HBO телевизээр шууд нэвтрүүлэгт орж байхдаа “Опра уучлаарай. Би таны дэргэд хэн ч биш гэдгээ мэдэж байна. Энэ цаг үеийн хамгийн хүчирхэг, нөлөө бүхий хүн бол та. Би маш их санаа зовж байна. Таны дэргэд нөлөө бүхий хүн гэж хэлүүлж байгаадаа ичиж байна. Опра ч гэлтгүй тэргүүн хатагтай Хиллари Клинтон, Мишель Обама нараас ч уучлалт хүсч байна” гэжээ.
Хөтлөгч түүнээс яагаад уучлалт гуйж, олон нийтийн санал хураалтаар тодруулсан нэр алдрыг үгүйсгэж буй талаар асуухад Бейонси “Би өөрийгөө ямар түвшинд явдгаа мэддэг. Харин тэдний дэргэд ямар түвшинд явдгаа ч мэднэ. Тэд бол хүчирхэг гэх үгийг эзэмших ёстой хатагтай нар” гэж хариулжээ.
Б.Дэлгэрцэцэг
Уншиж байна |