“Жаст” группын захирлаар ажиллаж байсан Ш.Батхүүтэй холбогдох хэрэгт Дарханы төмөрлөгийн үйлдвэрийн захирлаар ажиллаж байсан н.Ганболд, ТӨХ-ны дарга асан, ҮХЦ-ийн гишүүн Д.Сугар нарыг холбогдуулан Мөрдөн байцаах газраас шалгаж буй аж.
5
Одоогийн байдлаар Дарханы төмөрлөгийн үйлдвэрийн захирлаар ажиллаж байсан н.Ганболдын дансаар 10 сая ам.доллар шилжиж орж ирсэн нь ямар учиртай гүйлгээ болохыг шалгаж байгаа. Мөн энэ асуудал дээр Дарханы Цагдаагийн газар эрүүгийн хэрэг үүсгээд мөрдөн байцаалтын ажиллагаа явуулж байгаа тухай албаны эх сурвалж мэдээлсэн.
6
Харин Д.Сугар ҮХЦ-ийн гишүүн тул албан ёсоор мэдүүлэг байцаалт өгсөн зүйлгүй нэр дуудагдаад явж буй юм байна. Мөрдөн байцаах газраас Үндсэн хуулийн тавдугаар зүйлд заасны дагуу Д.Сугарыг ҮХЦ-ийн гишүүнээс чөлөөлүүлэх хүсэлтийг албан ёсоор прокурорын байгуулагад тавьсан ба прокурор дээд шатны байгууллагад уламжлан явж буй аж.
6
“Жаст” группын захирлаар ажиллаж байсан Ш.Батхүү нь Англи улсын “Стандарт” банкнаас 2009-2010 онд их хэмжээний зээл авахдаа төрийн өмчийн оролцоот “Эрдэнэт” ХХК-ийн хөрөнгийг барьцаалах, банкны зээлийн баталгаа гаргуулахад шаардагдах бичиг баримт, тамга тэмдэг, эрх бүхий албан тушаалтнуудын гарын үсэг, зээлийн гэрээ, баталгаа зэргийг хуурамчаар үйлдэж, онц их хэмжээний хохирол учруулж залилан мэхэлсэн гэмт хэрэгт яллагдагчаар татаад байгаа юм. Мөрдөн байцаалтын явцад Ш.Батхүүг Төрийн өмчийн хороо болон “Эрдэнэт” үйлдвэрийн удирдлагуудын гарын үсгийг хуурамчаар үйлдсэн болохыг тогтоосон.
6
Б.Буд