УИХ дахь МАН-ын бүлгийн хуралдаан өндөрлөлөө. Хуралдаанаар хэлэлцсэн асуудлын талаар МАН-ын бүлгийн дарга С.Бямбацогт сэтгүүлчдэд мэдээлэл хийлээ. Тэрбээр мэдээлэлдээ:
5
-Өнөөдрийн бүлгийн хуралдаанаар хоёр асуудал хэлэлцлээ. Өнгөрсөн долоо хоног Ашигт малтмалын тухай хуулийг УИХ-д өргөн барьсан. Олон жил хүлээгдсэн, ард иргэд, нийгэм, гадаадын хөрөнгө оруулагчдын анхаарлыг татсан хууль. Засгийн газар нийгмийн хүлээлт бүхий шийдлийг гаргасан хууль боловсруулан оруулж ирсэн байх гэж уншиж судаллаа. Харамсалтай нь бүрхэг хуулийн төсөл байна. Дээрээс нь "Төрийн өмчийн хөрөнгөөр хайгуул хийж, нөөцийг нь тогтоосон бол 51 хувиас дээш, 34 хувиас дээшийг нь төр эзэмших ёстой гэсэн заалт байсан. Энэ заалтуудыг 51 хүртэл, 34 хүртэл гэж өөрчилсөн байна. Эдийн засгийн асуудлаар батлагдах хууль тодорхой байх ёстой. Гэвч энэ хуулийн төсөл тодорхой биш учир тогтвортой байх магдлал нь бүрхэг хууль болжээ. Тиймээс МАН-ын бүлэг энэ хуулийн заалтуудыг тодорхой болгох ёстой гэдэг дээр байр сууриа нэгтгэж байна. УИХ-ын бүрэн эрхэнд халдсан заалт байна. Хилийн зурвас, тусгай хамгаалалттай бүс нутагт ашигт малтмалын үйл ажиллагаа эрхлэх зөвшөөрлийг УИХ хэлэлцэн шийддэг хуультай. Үүнийг өөрчилж, Засгийн газар шийддэг байхаар өөрчлөн оруулж ирж байгаа нь УИХ-ын бүрэн эрхэд халдсан явдал. Тиймээс энэ заалтыг өөрчлөх ёстой гэлээ. Мөн Эдийн засгийг эрчимжүүлэх тогтоолын төсөл хэлэлцэж байгаатай холбогдуулан МАН-ын бүлгийн зарим гишүүд хүнсний захуудаар явж, иргэдтэй уулзсан байна. Ард иргэд амьжиргааны түвшин доошилсныг гишүүдэд уламжилжээ. Мөн манай улсын зээлжих зэрэглэл буурсан байна. Иймээс МАН-ын бүлэг эдийн засгийн хүндрэлийг шийдэж чадахгүй байгаа холбогдох албан тушаалтнууддаа яаралтай хариуцлага тооцохыг Н.Алтанхуяг Ерөнхий сайдад шаарджээ. Хэрвээ өөрөө хариуцлага тооцох хүмүүсээ оруулж ирэхгүй бол өөрт нь хариуцлага тооцох асуудлыг тавина гэдгээ мэдэгдлээ.
5
МАН-ын бүлгийн дарга С.Бямбацогт мэдээлэл хийснийхээ дараа сэтгүүлчдийн сонирхсон асуултад тавьсан юм.
6
-Оюутолгойн гэрээний тухайд ТЭЗҮ-ийг нэмэгдүүлэх талаар тусгагдсан байгаа. МАН ямар байр суурьтай байгаа бол?
-Оюутолгойн асуудал дээр МАН-ын бүлэг тодорхой байр сууриа илэрхийлсэн. Ганцхан Оюутолгой ч биш "Тавантолгой", төмөр зам, V цахилгаан станц зэрэг томоохон төслүүдийг МАН Засгийн эрх барьж байхдаа эхлүүлсэн. Үр дүнг нь Монгол Улс, иргэд хүртэж байсан. Харамсалтай нь энэ Засгийн газрын үед зогссон. Тийм учраас бид энэ төслүүдээ цааш нь үргэлжлүүл, эрчимжүүл, идэвхжүүл гэдэг шаардлагыг тавьж байгаа. Ингэхийн тулд Оюутолгойн гэрээний заалтыг цааш үргэлжлүүлэхэд хүндрэлтэй байвал өөрчилж болно. Монгол Улсад үр ашигтай болгохын тулд өөрчлөх шаардлагатай нь өөрчил, түүнээс бус УИХ-аар халхавч хийж ажил хийдүүлж болохгүй.
6
-ҮХАА-н сайдын албан тушаалаасаа чөлөөлөгдөх хүсэлтээ Х.Баттулга өгсөн. Өөрийнх нь хүсэлтээр чөлөөлөх болов уу?
-Х.Баттулга сайдын тухайд нэгэнтээ ажил хийхгүй гэж хэлээд байхад нь хүчээр сайдынхаа ажлыг хий гэдэг шийдвэрийг УИХ гаргахгүй байх. Энэ удаад хүсэлтийг нь хүлээж авах байх гэж бодож байна.
5
Н.Энх