Монгол Улсын Ерөнхий сайд Н.Алтанхуяг "Бүтээн байгуулалтын цаг"-т оролцож, сэтгүүлчдэд мэдээлэл хийлээ. УИХ-аас өнгөрсөн баасан гаригт Эдийн засгийг идэвхжүүлэх тогтоолын төслийг баталсан. Уг тогтоолын дагуу Засгийн газар 100 хоногт багтаан эдийн засгийг идэвхжүүлэх арга хэмжээг авах юм. Өнгөрсөн бямба гаригийн Засгийн газрын хуралдаанаар хэрэгжүүлэх арга хэмжээний төлөвлөгөөгөө гаргасан байна. Монгол Улсын Ерөнхий сайд Н.Алтанхуяг авах арга хэмжээнийхээ талаар танилцууллаа. Тэрбээр:
Юа
-Өнгөрсөн оны 12 дугаар сараас ЖДҮ-ийн тоног төхөөрөмжийг Гаалийн болон НӨАТ-аас чөлөөлдөг байсныг больсон. Үйлдвэржилтэд зориулж бид нэг их наяд төгрөг гаргахаар болсон. Мөн ЖДҮ-ийн тоног төхөөрөмжийг УИХ-ын бүрэн эрх дуусгавар болох хүртэл чөлөөлөхөөр боллоо. Өмнө нь ЖДҮ-ийн тоног төхөөрөмжийн НӨАТ-аас чөлөөлөх босго нь таван сая төгрөг байсныг 50 сая төгрөг болгохоор УИХ-аар хэлэлцүүлнэ. Борлуулалтын орлого нь 1,5 тэрбум төгрөгтэй тэнцэх аж ахуйн нэгжүүдийн төлсөн орлогын албан татварын 90 хувийг буцааж олгоно. 2 сая 240 мянган тонн цемент үйлдвэрлэх үйлдвэр ашиглалтад орох гэж байна. Том хэмжээний бүтээн байгуулалт хийхэд тоног төхөөрөмжөөөс татвар авдаг. Гэтэл бизнесмэнүүд үйлдвэрээ босгомоор байдаг. Үүнийг Засгийн газар хоёр жил хүртэлх хугацаанд зохицуулалт хийхээр болж байна.
Юа
Мөн Өрийн удирдлагын хуулийн төслийг өргөн барилаа. Олон улсын аргачлалын дагуу хуулинд өөрчлөлт хийсэн. Одоогийн байдлаар ДНБ-д өрийн эзлэх хэмжээ 40 хүртэл хувь байгаа. Үүнийг 70 орчим хувь байхаар зохицуулсан. Хөрөнгийн биржийн төлбөр, өрийн асуудлыг шийдвэрлэлээ. Далд эдийн засгаа ил тод болгохоор ажиллаж байна. гэлээ.
Юа
Дээрх арга хэмжээний хүрээнд төсвийн зардлыг хэмнэхээр тогтоол гаргажээ. Олон нийтэд үзүүлж байгаа орлогоор өөрийгөө санхүүжүүлж болох Төр, засгийн үйлчилгээ, аж ахуй эрхлэх газар, Засгийн газрын автобаазыг аж ахуйн тооцооны системд шилжүүлсэн байна. Гэхдээ төрөөс олгох урсгал зардал нь хэвээр байх аж. Төрийн албанд шинээр орон тоо нэмэхгүй, гадаад албан томилолтын тоог тэвчих зэрэг зохицуулалт хийсэн байна.
Юа
Хөдөө орон нутагт дэд бүтцийн шийдэлтэй амины орон сууц барихад найман хувийн, орон сууцанд хамрагдахад долоон хувийн зээл олгохоор болсон байна. Мөн Худалдан авах ажиллагааны тухай хуульд өөрчлөлт оруулж, тендертэй холбоотой маргааныг 28 ажлын өдөрт таслан зогсоохоор болжээ. Өнөөдрийн мөрдөгдөж байгаа хуулиар 60 хоногийн хугацаанд шийдвэрлэх заалттай байгаа аж. Австрали улсаас олгох 40 сая ам.долларын зээлийг ЭНЭШТ болон Батлан хамгаалахын харъяа эмнэлэг, явуулын эмнэлэг байгуулахад зориулахаар болжээ.
Юа
БНХАУ-аас авах 500 сая ам.долларын зээлийг Туулын хурдны зам, яармагийн гүүр барихад зарцуулахаар юм байна. Эдийн засгийг эрчимжүүлэх зөвлөлийг Ерөнхий сайдын дэргэд байгуулжээ. Засгийн газар долоо хоног бүр энэ чиглэлээр хэрэгжүүлсэн арга хэмжээнийхээ талаар мэдээлэл хийж байх аж.
Юа
Н.Энх