Агаарын тээврийн Изинис эйрвэйс компани өнөөдрөөс үйл ажиллагаагаа зогсоож байгаагаа албан ёсоор мэдэгджээ. Шалтгаан нь санхүүгийн хүндрэлээс үүдсэн гэдгийг тус компаниас гаргасан мэдэгдэлд дурджээ. Мэдэгдэлд "Изинис Эйрвэйс ХХК нь 2006 оноос үйл ажиллагаа явуулж, олон зуун мянган зорчигчдод тогтвортой үйлчилж ирсэн үндэсний агаарын тээвэрлэгч компани бөгөөд компанийн санхүүгийн нөхцөл байдал хүндэрч, цаашид хэвийн үйл ажиллагаа явуулах боломжгүй болсон тул 2014 оны 05 сарын 22-ны өдрөөс эхлэн үйл ажиллагаагаа тодорхой бус хугацаагаар зогсоох болсныг мэдэгдэж байна" гэсэн тайлбарыг өгчээ.
6
Уг компани Дорнод, Хөвсгөл, Өмнөговь, Увс, Баян-Өлгий таван аймгийн чиглэлд, мөн олон улсын нэг чиглэлд Өвөр Монголын Өөртөө Засах Улсын Хөлөнбуйр аймгийн Хайлаар хот руу тогтмол болон захиалгат нислэг үйлддэг байсан юм.
В.Бат