НИТХ-ын Тэргүүлэгчдийн 98 дугаар тогтоолоор “Зориулалтын дугуй түгжигч ашиглах журам"-ыг хэлэлцэн баталсан. Уг журам энэ сарын 15-наас эхлэн хэрэгжих юм байна. Тээврийн хэрэгслийн дугуйг түгжих ажлыг Замын хөдөлгөөний удирдлагын төв хариуцан ажиллах юм. Харин гүйцэтгэлийг хувийн байгууллага, аж ахуйн нэгжээр хийлгэх аж. Хамтран ажиллах санал ирүүлсэн дөрвөн аж ахуйн нэгж, байгууллагатай өнгөрсөн сарын 31-ний өдөр гэрээ байгуулсан юм байна. Ингэснээр энэ сарын 15-ны өдрөөс эхлэн хориглосон газар зогссон тээврийг хэрэгслийг ачихгүй, зөвхөн жолооны хүрдний талын урд дугуйг түгжих юм.
ө
Замын хөдөлгөөний дүрэмд зааснаар түр буюу удаан зогсохыг хориглосон газарт зайлшгүй зогсолтоос бусад хэлбэрээр зогссон, эсвэл хориглолт тогтоосон тэмдэг бүхий замын зорчих хэсэг, ногоон байгууламж, явган зам, нийтийн эзэмшлийн зам талбай дээр зогссон, хөдөлгөөнд саад учруулсан, жолооч нь эзгүй байгаа болон бүрэн бус тээврийн хэрэгсэлд энэ журам хамааралтай.
ө
В.Бат