Албан тушаалаа урвуулан ашиглаж, байгууллагын эд хөрөнгийг завшин, улсад их хэмжээний хохирол учруулсан ИНЕГ-ын удирдлагуудад холбогдох хэргийг Дүүргийн эрүүгийн хэргийн анхан шатны хоёрдугаар шүүхэд хэлэлцэн шийдвэрлэсэн байна.
о
ИНЕГ-ын дарга асан, шүүгдэгч С.Батмөнхийг албан тушаалын байдлаа урвуулан ашигласан, байгууллагын эд хөрөнгийг завшсан гэм буруутайд тооцож, Монгол Улсын Эрүүгийн хуулийн тусгай ангийн 263.2, 150.3 дахь хэсэгт зааснаар 150 сая төгрөгийн эд хөрөнгө хурааж, 6.6 жилийн хугацаагаар чанга дэглэмтэй эрэгтэйчүүдийн хорих ангид ял эдлүүлж, улсад учруулсан хохиролд 278 сая төгрөгийг гаргуулахаар шийдвэрлэжээ.
л
Мөн шүүгдэгч М.Батболдыг хууль бус эх үүсвэрийг халхавчлах, нуун далдлах, хуулийн хариуцлагаас зайлсхийхэд тусласан, байгууллагын эд хөрөнгийг завшсан гэм буруутайд тооцож, Эрүүгийн хуулийн тусгай ангийн 1661.2, 150.3 дахь хэсэгт зааснаар 33.400.000 төгрөгийн эд хөрөнгийг хурааж, долоон жилийн хорих ялыг чанга дэглэмтэй эрэгтэйчүүдийн хорих ангид эдлүүлэх, улсад учруулсан хохиролд 278 сая төгрөгийг гаргуулах. Шүүгдэгч Д.Эрдэнэбатыг албан тушаалын байдлаа урвуулан ашигласан, байгууллагын эд хөрөнгийг завшсан гэм буруутайд тооцож, Эрүүгийн хуулийн тусгай ангийн 263.2, 150.3 дахь хэсэгт зааснаар 14 сая төгрөгийн эд хөрөнгө хурааж, 6.6 жилийн хорих ялыг чанга дэглэмтэй эрэгтэйчүүдийн хорих ангид ял эдлүүлж, улсад учруулсан хохиролд 278 сая төгрөгийг гаргуулахаар тус тус шийтгэсэн байна.
л
ИНЕГ-ын дарга асан С.Батмөнх, Агаарын тээврийн бодлого зохицуулалтын ерөнхий менежер, газрын даргаар ажиллаж байсан Д.Эрдэнэбат, Чингис хаан олон улсын буудалд программ сүлжээний инженерээр ажиллаж байсан, Электрон Системс ХХК-ын гүйцэтгэх захирал М.Батболд нарт холбогдох 201301000179 дугаартай эрүүгийн хэргийг Дүүргийн хоёрдугаар прокурорын газраас хяналт тавьж ажилласан.
л
Тэднийг “Чингис Хаан” Олон улсын буудалд Зорчигч бүртгэлийн сүлжээний операторыг сонгон шалгаруулах тендерийн хороог хууль бусаар байгуулж, Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуулийн 8.2, 9.2-т заасныг тус тус зөрчин “Оператор”-ын ажлыг хийж гүйцэтгүүлэхээр “Электрон системс” ХХК-нийг хууль бусаар сонгон шалгаруулж албан тушаалын байдлаа урвуулан ашигласан, байгууллагын эд хөрөнгийг завшиж улсад 1.062.959.200 төгрөгийн хохирол учруулсан, гэмт хэрэг үйлдсэн. Олсон мөнгөнийхөө хууль бус эх үүсвэрийг нь халхавчлах, нуун далдлах, түүнчлэн аливаа этгээдийг хуулийн хариуцлагаас зайлсхийхэд туслах зорилгоор мөнгө угаасан” гэх хэрэгт сэжигтнээр татан шалгаж, хяналтын прокурор Н.Амарсанаа, Р.Очирсүрэн нар хяналт тавьж, прокурорын яллах дүгнэлт үйлдэн харьяаллын дагуу Дүүргийн эрүүгийн хэргийн анхан шатны II шүүхэд шилжүүлсэн байна.
л
Б.Буд