“Хилийн чанадад суугаа монголчууд - эх орондоо” анхдугаар чуулган Гадаад харилцааны яаманд болж байна. Хилийн чанад дахь монголчуудын холбоод анх удаа эх орондоо чуулж байгаа бөгөөд тэд  “Бүтээлч хамтын ажиллагаа” сэдвийн дор нэгджээ. Энэхүү чуулганыг Гадаад харилцааны сайд Л.Болд нээж,Шинэчлэлийн Засгийн газар гадаадын улс орнуудад ажиллаж, амьдарч байгаа "Иргэдэд туслах сан"-гийн хэмжээг нэмэгдүүлж ирсэн бөгөөд он гарснаас хойш 32 иргэнд 94.1 сая төгрөгийн буцалтгүй тусламж олгосноо дуулгажээ. Гадаад харилцааны яам, “Цахим өртөө холбоо” төрийн бус байгууллага хамтран зохион байгуулж чуулганд гадаадын 22 орчим оронд байгаа монголчуудын холбоо, нийгэмлэг, ТББ-ын 90 орчим төлөөлөгч, дотоодын яамд, агентлаг, холбогдох байгууллагын төлөөлөл бүхий 130-150 хүн оролцож байна.