АНУ-ын экс Ерөнхийлөгч Билл Клинтон болон тэргүүн хатагтай Хилари Клинтон хоёр хэдхэн хоногийн өмнө өвөө, эмээ болсон юм. Тэдний том охин Челси Клинтон төрж, охинтой болсон бөгөөд өчигдөр Манхаттены “Upper East Side” эмнэлэгээс гарч, Нью Йорк хот руу гэр бүлийнхээ хамтаар явсан байна. Тэгвэл Челси эмнэлгээс гарахдаа Британийн гүнж Кейт Миддилтон шиг цэнхэр өнгийн даашинз өмссөн байжээ. Гүнж ханхүү Жорж Александр Луиг төрүүлээд эмнэлгээс гарахдаа цэнхэр өнгийн даашинз өмсөж байсан юм. Тэгвэл амаржаад удаагүй байгаа Челси блогтоо “Би гүнж Кейт Миддилтонг дуурайсан. Энэ гайхалтай бүсгүй төрснийхөө дараа ч үзэсгэлэнтэй харагдаж байсан. Тиймээс л эмнэлгээс гарахдаа Кейт шиг цэнхэр өнгийн даашинз сонгосон” гэж бичжээ. Британийн хэвлэлүүд “Челси гүнжтэнг дуурайсан нь алдаа болсон” хэмээсэн бол АНУ-ын “TMZ” сайт “Челси та Кейт Миддилтоноос үзэсгэлэнтэй харагдаж байсан. Баяр хүргье” хэмээн бичжээ.
Б.Дэлгэрцэцэг
Уншиж байна |