Намрын сүүл сар шувтарч, өвлийн эхэн сартай золгох гэж байна. Жил жилийн энэ улиралд малын хулгай гаарах байдал ихэсдэг. Энэ сарын 7-8-нд шилжих шөнө Сэлэнгэ аймгийн Орхонтуул сумын нутгаас хүрэн зүсмийн морь, Төв аймаг Баянцогт сумын нутгаас 9-10-нд шилжих шөнө хул халзан морь, хээр морь, сартай хонгор гурван тооны морь хулгайд алдагджээ. Цагдаагийн алба хаагчид шуурхай ажиллаж уг хэргийг Увс аймгийн Цагаанхайрхан сумын харьяат бүлэг этгээд үйлдсэн болохыг олж илрүүлсэн байна.
ө Тэд хулгайн гэмт хэрэг үйлдэхдээ 03-74 УНЛ улсын дугаартай “Тоёото приус 10” маркийн мөнгөлөг саарал өнгийн машин ашиглан хулгайлжээ. Эдгээр гэмт этгээд нь эрхэлсэн тодорхой ажилгүй, өмнө нь энэ төрлийн гэмт хэрэгт холбогдон ял шийтгүүлж байжээ.
а
Гэмт этгээдүүд хулгайлсан адуугаа Сонгинохайрхан дүүргийн 10 дугаар хороо Зүүн Баян Уулын 31-21 тоот хашаанд байрлах автомашины грашд нядлаж, махыг нь Чингэлтэй дүүргийн "Хүчит шонхор" захын нэр бүхий ченжүүдэд худалдан борлуулсан байсныг НЦГ-ын ГХТГ-ын Хулгайн гэмт хэрэг мөрдөн шалгах хэлтсийн алба хаагчид, Сэлэнгэ аймгийн Цагдаагийн газрын Сайхан сумын сум дундын цагдаагийн хэсгийн алба хаагчид хамтран илрүүлэн, гэмт этгээдийг баривчлан шалгаж байна.
а
Малын хулгайд алдсан малчин “Аль хэдийн хэдэн адууг маань нядалсан байна. Энэ залууст үнэхээр их гомдож байна. Би түрүү жил бас алдаж байсан. Хэргийг шуурхай илрүүлж өгсөн цагдаагийн алба хаагч нартаа баярлалаа" гээд нүдэнд нь нулимас цийлэгнэж байв.
а
Бусдын адуун сүргээс хулгайлж, амар хялбар аргаар мөнгө олох гэсэн залуус олширч байгаа тул малчид та бүхэн малаа хариулга маллагаатай байлгаж, сонор сэрэмжтэй байж, алдсан тохиолдолд хурдан шуурхай холбогдох албанд мэдэгдэж байхыг цагдаагийн байгууллагаас анхааруулж байна.
а
Б.Буд