ДЭМБ-аас өнгөрсөн долоодугаар сард эбола бүртгэгдсэн Нигер улс халдваргүй улс боллоо гэж “www.ibtimes.co.uk” сайтад мэдээллээ. Сүүлийн 45 хоногийн хугацаанд тус улсад эболагийн ганц ч тохиолдол бүртгэгдээгүй учир ийнхүү халдваргүй бүс, нутгийн тоонд багтаасан тухай ДЭМБ-ын захирал Маргарет Чан онцолжээ. Тэгэхдээ энэ сарыг дуустал Нигерт сайн дурынхан тандалт хийх гэнэ.
1
Африкийн Сенегал улс өнгөрсөн баасан гаригт мөн халдваргүй улсын тоонд багтсан билээ. Нигер улс эбола вирусын улмаас дөрвөн иргэнээ алдсан юм. Ийнхүү Баруун Африкийн таван оронд бүртгэгдсэн эбола вирусын хүрээ багасч буйг НҮБ-ын ерөнхий нарийн бичгийн дарга Бан Ги Мүн сайшааж, эболаг зогсоохын тулд нэг баг болж ажиллаж буй олон улсад талархалаа илэрхийлжээ.
АНУ-ын эболатай тэмцэх албаны дарга Томас Фриедэн “AFP” агентлагт ярихдаа “Нулимс, хөлс, шүлс, нус зэрэг шингэнээр дамждаг эбола Гвиней, Либери, Сьерра-Леон улсад бүртгэлтэй хэвээр байна. Гвиней, Либери улсад эболагаар өдөрт 50 хүн амиа алдаж байгаа” гэв.
1
Б.Дэлгэрцэцэг
Уншиж байна |