Энэ өдрийн халуун мэнд манайхаан. Өвөөгийн талаар болоод надад хаяглаж бодол санаа сэтгэгдэл үлдээсэн уншигч нартаа баярлалаа. Манай такси тэмдэглэл нэвтрүүлэг болж NBS телевизээр гарч байгаа. Бямба гарагт 22.20 цагаас “Маргааш ням гараг” гэдэг амралтын нэвтрүүлгийн “Такси смайл” гэдэг булангаар нь гарч байгаа. Цаг зав гарвал харж үзэцгээгээрэй. Ингээд инээд хөөртэй бас сонсох сонинтой, бодох юмтай тэмдэглэлээ дор түүвэрлэн буулгалаа. Таалал орштугай.

1

1.Нойлд нясална, камергүй

1

Жоохон охиноо дагуулсан залуухан аав суулаа. Охин нь хоёр ой өнгөрч байгаа аж. Анхны жилээ цэцэрлэгт явж байгаа гэнэ.

1

А/аав/ -Най най. Аавын охин ямар хоол идсэн?

О/охин/ -Шөл будаа барийн /варень/.

А -Өлсөөгүй биз?

О -Өлсдөг.

А -Сүү аарц уусан уу?

О -Тэр тэр... агаа машин  байна.

А -Өө тийм байна. Чихэртэй аарцаа уусан уу?

О -Баба гэрийн куушуур гоё.Багш бай гэсийн.

А -Хэн багш нь уу. Миний охиныг яасийн?

О -Ингэсэн /хацрандаа алгаа хүргэж үзүүлж байна/

А -Өө ингээд үү, бай бай гэсэн юм уу?

О -Үгүй зүгээр ингэсэн, хацар өвтгөөд байсийн. Би уйлчихсан.

А -Най най, охин нь тэгээд уйлсан  юм уу... багшийг нь... гайгүй ээ тэ.

О -Би багшдаа очихгүй ш дээ. Гэртээ тоглоно тэ.

1

Аав охин хоёрын энэхүү амь халуун ярианд би хөндлөнгөөс оролцож “Багш нь нэг гөвжээ дээ, тэ” гэлээ.

1

А -Уг нь залуухан хөөрхөн ааштай байрын багш байдгийн. Хүүхэд чимхээд байдаг юм байна даа харин.

Х -Цэцэрлэгүүд чинь камержаад эхэлчихсэн гэсэн үү?

А -Өө мэдэхгүй. Энэ цэцэрлэг лав камер байхгүй ээ. Байгаад ч нэмэргүй юм биш үү. Манай найзын эхнэр нь цэцэрлэгт ажилладаг юм. Тэгээд саяхан тэд нар ууж суусан гэсэн. Манай эхнэр нөгөөхөөсөө “цэцэрлэг камерчихаар та нар яаж байна. Яс хараанд уу” гээд асуусан чинь “өө яахав нойлд оруулж байгаад няслана ш дээ, Тэнд камергүй” гэж томорсон гэсэн. Энэ багш нар суурь ухамсраар нь ялгаж зөв хүн авахгүй бол яаж ийгээд хүүхэд тоншчихоод байдаг юм шиг байгаа юм. Камер байсан ч тэгээд хүүхэд цохиж чимхээд сурчихсан л бол нэмэргүй л дээ. Маргааш эхнэрийг цэцэрлэг рүү нь явуулж багшийг нь нэг чимхүүлэхээс. Нольд оруулж байгаад нулиарай. Тэнд камергүй ш дээ. Мэднэ биз дээ гээд л шөвөгдөөд тавьчихаас ккк. Тэр муу багш ч өнгөрсөн байх аа. Манай эхнэр чинь волейбол тоглодог. Аймаар. Хааяа тоглоод нуруу дагз руу нэг нэгнийгээ нэг цохичихдог ш дээ тэ. Өө манай хүний тэр нь аймаар бууна.. ккк. Анх эргүүлж байхдаа нэг юмнаас болоод би нэг жоохон явуулаад байсан чинь араас тэгээд цохиод авсан чинь би ёстой таг болоод. Бараг л аманд цус амтагдаад явчихсан ш тээ ккк. Бантсандаа л арай уначихаагүй. Ёстой нэрээ бодоод нэг юм хөл дээрээ үлдсэн ккк. Тэрнээс хойш тоглож марзганавал байнга л өөдөөс нь харж зогсож  хамгаалалтын байдалд  байдаг болсон ш дээ ккк.

Х -ккк нээрээ тэгэх байх тэ?

А -Манай хүн чинь довтлогчоор тоглодог, аймаар цохидог. Анх нэг тэгж аймаар дэлсүүлсэн дээ.

Ийнхүү нэлээн тайвандуу байрын залуу охиныхоо багшийг ээжээр нь нулиулахаар болсон шийдвэрээ баталгаажуулж эхнэртэйгээ утсаар ч ярилаа.

1

А -Өө охиныг аваад харьж л явна. За багш нь манай Анугийн хацарт нэг зөөлөн хүрсэн л юм шиг байна. Багш ингэсэн гээд л нэг юм үзүүлээд байна. Лав илснийг тэгж “бай бай” гэж ярихгүй л байх... Чи минь л маргааш нэг очиж багштай нь тулж дээ. Тийн кккк. Би шууд орлоо шүү. Чи памперсийг нь авчихаарай. Өө уул нь ч цоглогмаа л байна ... за ... за тасаллаа.

За манай хүн ч үзүүлээд өгнөө л гэж байна ккк. За энэ хөндлөн байр луу эргээрэй ах. Хэд гараадахав...

Ийн Ану охин аавтайгаа буулаа. Охин “би өнөөдөр найыгаа чимхээгүй ш дээ, сайн тэ...” гэж өөрийгөө магтсаар буулаа.

1

2.Гага-гүй хүүхэн ч таарсан

1

Адилхан халтуур хийдэг нэгэн эр суулаа. Сайхан халдаг эр байна.

1

З/залуу/ -За өнөөдөр чинь засгийн чөлөөний өдрөө гэж.

Х -Машин гардаггүй гараг уу?

З -Тнх. Би ч баасанд зогсчихдог болохоор хагас сайнд эртхэн гарч хэд тойрдогийн.

Х -Хагас сайнд эрт хүн байх уу?

З -Өө байх газраа пиг ш дээ. Шөнө шоудсан сэгсийсэн үстэй хүүхнүүд чинь энд тэнд буудлаас үсрээд үсрээд гараад ирнэ ш дэ ккк. Хүүхнүүд нь аймаар явах юм аа тэ. Чамд тэгж анзаарагдаж байна уу.

Эртээр өглөө ганц хүүхэн нухах гээд буудалд орох гэсэн өрөө байхгүй гээд. Над шиг өрөө хайсан юмнууд нэлээн олон явж байна аа. Тэгсэн бараг бүгд хүүхнүүд байвал яах уу.

Х -Өө за за. Би ч зам дагуу л хүн хараад явчихдаг болохоор. Тэрийг чинь ёстой анзаараагүй юм байна.

З -Өө нэг хэдэн сайхан голомтод газар байна ш дээ ккк. Гага-тай гага-гүй хүүхнүүд үсэрч гарч ирдэг буудлуудтай. Оймсгүй, лэвчикгүй айн, үзлийн үзлийн болчихсон  ккк. Нэг удаа бүр цайрсан гага-гаа мартчихаж гэсэн хүүхэн сууж байгаа юм чинь. Харахад яавч биеэ үнэлэгч, яагий бол биш. Тэгсэн шоудаад гээчихсэн. Тэр нээрээ даварсан хүүхэн. Машинд чинь сууж байгаад үсчин онгойхоор ийшээ орчихьё. Тэгээд үс зүсээ янзалчихаад харихаас гээд намайг чинь хөөрхөн уячихсан.

Х -Тэгээд мөнгэтэй юм уу?

З -Мөнгөтэй ш дээ. Тийм хүүхнүүд чинь бараг залуугаа даагаад аваад явчихдаг юм биш үү.

Х -Тэр хүүхэн түрүүний нөгөө гага-гүй гарч ирсэн гэдэг үү.

З -Аан тэр үү. Хүлээлгийн мөнгө гээд 10 цаас шидсэн шидсэн. Тийм хүүхнүүд чинь одоо хашаа ч юм. Донтой болчихдог юм уу. Тэр арав хавийн хэдэн буудлуудын үүдээр эргээрэй чи. Найдвартай хэд хэдээрээ гарч ирнэ. 9-10-ын хооронд тарвага шиг л үсрээд үсрээд гараад ирдэг юм. Гудамжинд удаан зогсохоосоо ичээд зүгээр, км нь 1000 гэсэн ч дуугай яв л гэнэ кк.

Х -Чи бол тэр хавиар гаргаахаа байсан уу?

З -Өө бас тэр хавиа бол бас л хураана ш дээ хахаха. Нэг хүүхэнтэй хоёр таараад. Сүүлдээ харин залчихмаар санагдаад. Эртээр тэгж өглөө буудал хайж байхав. Тэр уг нь “Яа” бол биш. Тэгээд л өглөө “хоёулаа нэг тулах юм уу” гэхээр үгүй гэхгүй л байгаа юм даа. Чи буруу ярьж байна хө. Бямбад чинь харин зөв газраа эрт гарах хэрэгтэй байдаг байхгүй юу...

1

Ийнхүү маш их туршлагатай, буудлаар хоносон хүүхнүүдийг мөөг шиг түүдэг нэг халтуурчин найзтай болж жаал буу халлаа. Манай хүн бүүр сүүлдээ таван шар хавийн буудлаас хоёр ч хүүхэн халтуур хийнгээ шүүрсэн гэж ярилаа. Үнэн бол ч бас л тэ, бэрх байна шүү...

1

3.Сэтгэлийн бэлэг

1

Орой 22 цаг өнгөрч байхад ТБД-ын урд замаас хориод насны нэлээн өндөр царайлаг охин гар өргөж суулаа. Суугаад “Ахаа одоо онгорхой номын дэлгүүр байгаа болов уу, та мэдэж байна уу” гэлээ.

1

Х -Ээ бараг байхгүй байх аа.

Б/бүсгүй/ -За байз яадаг юм билээ... Юу ч болсон төв рүү явья. Улаанбаатар их дэлгүүр хүрье дээ.

Х -За шөнө гэнэт ном хайгаад. Чи чинь харин сонирхолтой зорчигч байна даа.

Б -ккк, үгүй ээ манай найз залуу. Гэнэт төрсөн өдөр ш дээ гээд. Надад дээр хэлж байсан, би таг саначихаж. Сая хүрээд ир гээд. Юу өгдөг юм билээ гэсгээд. Ном байвал уг нь зүгээр юм уу?

Х -Одоо чинь тэгээд хүнээсээ шууд асууж байгаад бэлгийг нь аваад өгчихдөг болсон юм биш үү.

Б -Би харин асуусан юм. Чи юу авах уу гээд. Тэгсэн чиний сэтгэлийн бэлгийг л харж байна гэхийн.

Х -Үерхээд хэр удаж байгаа юм. Их дотно бол одоо бас юу ч өгмөөр юм бэ дээ.

Б -Өө тийм айхтар дотно мотно биш ээ. Үнсэлдээчгүй гэдэг билүү ккк. Тийм л тав зургаан сар л болж байгаа байх.

Х -За тэгвэл сэтгэлийн бэлэг гэж юу байх вэ байз. Ном ч биш л болж таарлаа даа.

Б -Тийм ч юм уу.

Х -Зүгээр сэтгэл шингэсэн юу ч байсан яах вэ л гэсэн юм биш үү?

Б- Харин. Тийм ч байж магадгүй. Сэтгэлийн бэлэг, сэтгэлийн бэлэг гээд байдаг.

Х -Нэг шов хийтэл үнсээд үзэг бал ч юм уу өгчихвөл зүгээр юм биш үү. Үнсэлдэж ч амжаагүй яваа гээ биз дээ.

Б -аан харин ккк. Үнсэх ч бас том бэлэг шүү тэ.

Х -Аан тэгэлгүй яахав. Сэтгэлээсээ үнсвэл одоо бас л. Бид нар та нар шиг байхад үнсэнэ гэдэг ч мөн том асуудал байлаа шүү дээ. Тэр тусмаа үерхдэг хайртай охиноо үнсэнээ гэдэг чинь янзтай шүү дээ.

Б -Тийм үү ккк.

Х -За тэгээд нөгөө хайртай охин маань эхэлж үнсэх юм бол ч... одоо тэгээд шууд л сансарт гарлаа гэсэн үг ккк.

Б -Гоё юм тэ. За үнсдэг юм байж. Гэхдээ найзууд нь байгаа ш дээ. Хоосон орох ч хаашаа юм.

Х -Бас тийм л дээ. Чамайг дурсч байхаар, нэг бол өөрт нь яг хэрэг болохоор л юм байсан дээр дээ. Сувиннерийн дэлгүүрүүд бол онгорхой байгаа даа.

Б -Сэтгэлийн бэлэг гээд байгаа шүү дээ, тэр маань.

Х -Харин сэтгэлийн бэлэг. Том даалгавар байна даа дүү минь.

Б -Харин тийн ккк. За юу ч болсон энд буугаад нэг юм хардаг юм уу даа. Мянга болох уу ах аа.

Х -За болно оо болно.

1

Ингээд сэтгэлийн бэлэг босгохоор гарсан охин их дэлгүүрийн өмнө буулаа. Хайртай охин нь өөрт нь сэтгэлийн бэлэг хайгаад шөнө орой явж байна аа гэдэг бас л сайхан хэрэг биз, манайхаан. Та бүхэн ч гэсэн өөр өөрийнхөөрөө сэтгэлийн бэлгийн цаад учрыг тайлан болгоож бичээрэй...

Үүгээр баасан гарагийн тэмдэглэл өндөрлөж байна. Гэр бүлтэйгээ хөөр хөгжилтэй байж, тэдэндээ сэтгэлийн бэлэг харамгүй өгч амралтаа сайхан өнгөрүүлээрэй. Бас сайхан баярлаарай. Чингис өвөөгийн төрсөн өдөр ойртоод байгаа юм билээ шүү...

1

Иргэний дуу хоолойг нийгэмд түгээгч, Таксич Хоовон Хөх