Францын Ерөнхийлөгч Франсуа Олландын экс эхнэр Валери Триервейлер өнгөрсөн долоодугаар сарын эхээр 320 хуудастай “Thank You For This Moment” хэмээх номоо худалдаанд гаргасан билээ. Энэхүү ном худалдаанд гарсан цагаасаа бестселлерт багтаж, ойролцоогоор 100 мянган хувь борлогдоод буй. Тэгвэл Ерөнхийлөгч өнгөрсөн амралтын өдөр сэтгүүлчтэй уулзах үеэрээ эхнэрийнхээ бичсэн номонд хориг тавихаа мэдэгджээ. Энэ тухай “www.telegraph.co.uk” мэдээллээ. Тэрбээр “Валери ямар зорилгоор гэрийнхээ нууцыг олон нийтэд илчилснийг мэдэхгүй байна. Надад энэ бүхэн таалагдахгүй байна” гэж хэлжээ.
1
Тус номонд Валери “Франсуа Олландтай хэрхэн танилцсан. Сонгуулийн кампанит ажил, Олланд Ерөнхийлөгч болохын тулд ямар ямар золиос гаргасан. Мөн нууц амраг” зэрэг хувийн шинжтэй асуудлын талаар дэлгэрэнгүй өгүүлжээ. Валери номынхоо нээлтийн үеэр “Францын ард түмэн Ерөнхийлөгчийнхөө тухай мэдэх хэрэгтэй” гэсэн байна. Өнгөрсөн хоёрдугаар сарын эхээр Ерөнхийлөгч жүжигчин Жюли Гайеги гэх бүсгүйтэй холбоотой нь илчлэгдсэний дараа Валери Триервейлер тусдаа амьдрах болсон юм.
1
Б.Дэлгэрцэцэг
Уншиж байна |