Иргэний дайны хөлд нэрвэгдэж олон жил зовж зүдэрсэн Афганистаны ард түмэнд эв нэгдэл, эрх чөлөөг эргүүлэн олгохоор Олон улсын эвслийн цэргийн хүчнээс тус улсад явуулж байгаа “Аюулгүй байдлыг дэмжих олон улсын хүчин”-ий ажиллагаанд манай Зэвсэгт хүчний X ээлж, Нисдэг тэрэг, техник засвар үйлчилгээний сургалтын бүлгийн VIII ээлжийн цэргийн багуудын бие бүрэлдэхүүн үүргээ амжилттай гүйцэтгээд эх орондоо ирлээ.
Эх орон ард түмнийхээ өмнө хүлээсэн үүргээ нэр төртэй гүйцэтгээд ирсэн цэргийн алба хаагчдад төрийн дээд одон медаль гардуулах ёслолын ажиллагаа өнөөдөр зэвсэгт хүчний Жанжин штабт зохион байгуулагдаж, ЗХЖШ-ын дарга, дэслэгч генерал Ц.Бямбажав болон БХЯ, ЗХЖШ-ын удирдлага, цэргийн багийн бие бүрэлдэхүүн, тэдний ар гэрийн төлөөлөл оролцлоо.
ы
Энхийг сахиулагч цэрэг дайчдын гавьяа зүтгэлийг Монгол Улсын төр, засаг өндрөөр үнэлдэг. Энэ удаа “Цэргийн гавьяаны одон”-оор цэргийн багийн захирагч хурандаа Д.Өлзийбаяр, “Цэргийн хүндэт медаль”-иар хошууч Л.Цэрэгбаяр, “Энхийг төлөө” медалиар дэслэгч Б.Мөнх-Эрдэнэ, Б.Баяржаргал, дэд ахлагч С.Отгонтөгс нарын 48 цэргийн алба хаагчийг, “Афганистанд энхийн төлөө” хүндэт тэмдэгээр, дэслэгч Д.Олонхүү, ахлагч Э.Батсайхан, Я.Цогтсайхан, дэд ахлагч Ц.Ууганбаяр нарын 38 цэргийн алба хаагчийг “Афганистанд энхийн төлөө-2” хүндэт тэмдэгээр сургагч ахлагч Б.Осор, ахлах ахлагч Э.Төрмөнх, ахлагч О.Нямаа нарын 49 цэргийн алба хаагчийг шагнаж урамшуулав.
б
Манай энхийг сахиулагчид ажиллагаанаас ажиллагаанд илүү туршлагажиж, үүрэг гүйцэтгэх бэлтгэлжилтийн түвшин нь улам бүр дээшлэн, ямар ч нөхцөлд тавигдсан үүргийг биелүүлэх чадавхитай болон төлөвшиж байгаа нь дээрхи цэргийн багийн үйл ажиллагаанаас тодорхой харагдаж байгаа байна. Тухайлбал Афганистан улсын Херат муж дахь Эвслийн цэргийн хүчний баруун бүсийн Командлалын бүрэлдэхүүнд Агаарын цэргийн хүчний Шинданд баазын аюулгүй байдлыг хангаж, баазын үндсэн шалган нэвтрүүлэх цэг, дотоод шалган нэвтрүүлэх цэг, нисэх зурвасын хамгаалалт, баазын эргүүл, сургагч багш нарын хамгаалалт, баазын харуул зургаан үүргийг долоон сарын хугацаатай бага хүчээр гүйцэтгэж Афганистаны Үндэсний армид хүлээлгэн өгчээ. Мөн АНУ-ын Хуурай замын цэргийн хүчний “Bobcats” болон Үндэсний гвардын “Saber” томилгоот хүчний цэргийн алба хаагчидтай сургалт дадлага, буудлагыг 20 гаруй удаа зохион байгуулж, биет хамгаалалтын үүргийг анх удаа зохион явуулсан байна.
б
Б.Бэхи
Уншиж байна |